আমেৰিকাৰ উদ্যোগপতি তথা SpaceX কোম্পানীৰ মালিক এলন মস্কে ঘোষণা কৰিছে যে আগন্তুক ৩০ বছৰত তেওঁ ১ লাখ লোকক মঙল গ্ৰহলৈ নিব।
ইয়াৰ বাবে তেওঁ ষ্টাৰশ্বিপ (আকাশীযান) বনাই আছে। মস্কৰ পৰিকল্পনা অনুসৰি আগন্তুক প্ৰতিবছৰে তেওঁ ১০০খন ষ্টাৰশ্বিপ বনাব।
উক্ত ষ্টাৰশ্বিপেৰে তেওঁ ১ লাখ লোকক মঙলৰ যাত্ৰা কৰাব।
ষ্টাৰশ্বিপ ৰকেটক ২০২১ত চন্দ্ৰলৈ প্ৰেৰণ কৰা হ’ব। যানখন চন্দ্ৰত অৱতৰণ কৰিব। ইয়াৰ পাছত তাত অন্তৰীক্ষ ভ্ৰমণ কৰিব।
ইয়াৰ প্ৰায় তিনিবছৰ পাছত এলেন মস্কে মঙলৰ বাবে প্ৰস্তুতি চলাব। ইয়াৰ মাজতে মস্কে ষ্টাৰশ্বিপ যানৰ প্ৰথম ছবি সদৰী কৰিছে।
এই যানখনৰ একেলগে ১০০জন লোকক অন্তৰীক্ষলৈ লৈ যাব পৰা ক্ষমতা আছে।
এলন মস্কে জানিব দিয়া মতে তেওঁ চন্দ্ৰত স্থায়ী ক’লনি বনোৱাৰ কথা চিন্তা কৰি আছে। এনধৰণৰ পৰিকল্পনা তেওঁ মঙল গ্ৰহৰ বাবেও কৰিব।
মস্কে জানিবলৈ দিয়ে যে ২০৫০ত প্ৰতিদিনে তিনিখন ষ্টাৰশ্বিপ মুকলি কৰিব। অৰ্থাৎ প্ৰতিদিন ৩০০ যাত্ৰী মঙল গ্ৰহলৈ ৰাওনা হ’ব। প্ৰায় ১,০০০ বিমান মঙল গ্ৰহলৈ যাব আৰু এইদৰে মুঠ ১ লাখ যাত্ৰী মঙল গ্ৰহলৈ যাত্ৰা কৰিব।
অৱশ্যে এলন মস্কে লগতে কয় যে ইয়াৰ পূৰ্বে মঙল গ্ৰহত ইন্ধন ষ্টেশ্যন বনোৱাৰ প্ৰয়োজন হ’ব। যাতে তাত গৈ পোৱাৰ পাছত যদি ইন্ধিন কমি যায় তেতিয়াহ’লে মঙলত ইন্ধন ভৰাই যাত্ৰীসকলক পৃথিৱীলৈ ওভতাই লৈ আনিব পৰা যায়।
মহল গ্ৰহলৈ যাবলৈ কিমান টকাৰ প্ৰয়োজন হ’ব সেয়া এলন মস্কে সদৰী কৰা নাই। কিন্তু তেওঁ অৱশ্যেই কয় যে যদি কাৰোবাৰ হাতত মঙল গ্ৰহলৈ যাবলৈ টকা নাথাকে, তেতিয়াহ’লে তেওঁলোকক ঋণ দিয়া হ’ব যাতে মঙললৈ যোৱাৰ তেওঁৰ হেঁপাহ পূৰণ কৰিব পাৰে।
চাঞ্চল্যকৰভাৱে এলন মস্কে কয় যে কেবল এয়াই নহয়, মঙল গ্ৰহত ইন্ধন ষ্টেশ্যন বনোৱাৰ পাছত তাত লোকক কৰ্মসংস্থাপনো দিব পৰা যাব। মঙল গ্ৰহত চাকৰি কৰাই আনন্দই সুকীয়া হ’ব।
এলন মস্কৰ এনে ঘোষণাই স্বাভাৱিকতে বিশ্ব জুৰি প্ৰতিক্ৰিয়াৰ সৃষ্টি হৈছে।
