মদ পেচাৱ কৰা মহিলাক লৈ বিজ্ঞানী মহলত চাঞ্চল্য, আৱিষ্কাৰ নতুন বেমাৰ

পেচাৱ কৰোতে মূত্ৰৰ সলনি মদ ত্যাগ কৰা এমেৰিকান মহিলা এগৰাকীক লৈ চিকিৎসা বিজ্ঞানীৰ মাজত চৰ্চা চলিছে।

তাৎপৰ্য্যৰ কথাটো হৈছে পেনছিলভেনিয়াৰ মহিলাগৰাকীয়ে মদ সেৱনো নকৰে।

চিকিৎসকসকলে প্ৰথমে মহিলাগৰাকীয়ে মদ খোৱাটো লুকুৱাইছে বুলি সন্দেহ কৰিছিল।

মহিলাগৰাকীৰ চিকিৎসা চলা University of Pittsburgh Medical Centre Presbyterian Hospitalৰ চিকিৎসকে ইয়াক লিভাৰ চিৰ’ছিছ আৰু ডায়েবেটিছৰ ফলত হোৱা বুলিও সন্দেহ কৰিছিল।

কিন্তু পিছত নিয়ন্ত্ৰিত পৰিৱেশত বাৰম্বাৰ পৰীক্ষাৰ পিছত প্ৰমাণ হয় যে মহিলাগৰাকীয়ে সঁচাকৈয়ে মদ নাখায়, কিন্তু পেচাৱত তেওঁ মদ এৰে।

বিশ্বত প্ৰথমবাৰৰ বাবে এই ঘটনা পোহৰলৈ আহিছে। চিকিৎসকসকলে ইয়াৰ নাম দিছে “Urinary auto-brewery syndrome”।

Annals of Internal Medicine নামৰ চিকিৎসা বিজ্ঞানৰ জাৰ্নেলত ইয়াক লৈ মহিলাগৰাকীৰ চিকিৎসকে গৱেষণা পত্ৰও প্ৰকাশ কৰিছে।

মহিলাগৰাকীৰ পাচন তন্ত্ৰত কোনোৰকমৰ ইষ্ট নাইবা বেক্তেৰিয়াই ইথানলৰ সৃষ্টি কৰে।

চিকিৎসকে তেওঁক ভেঁকুৰনাশক দৰৱ দি চিকিৎসা কৰিছিল যদিও কোনো সুফল নোপোৱাত এতিয়া যকৃত সংৰোপনৰ পৰামৰ্শ দিছে।

৬১ বছৰীয়া মহিলাগৰাকীয়ে তেওঁৰ পৰিচয় গোপনে থকাটো বিচাৰিছে।