ভাৰতৰ ৰিজাৰ্ভ বেংকে নতুন ৫০০ টকীয়া নোটত বহুবোৰ সুৰক্ষামূলক ব্যৱস্থা গ্ৰহণ কৰিলেও এতিয়াও বহু জাল টকাৰ প্ৰচলন হৈ আছে।
আহক জানো, আচল ৫০০ টকীয়া নোটখনৰ বৈশিষ্ট্যসমূহ যাতে আপুনি জাল টকা লৈ ঠগ খাব লগা নহয়।
১) নোটখনৰ চূড়ান্তভাৱে বাওঁফালে ৫০০ টকা লিখা থাকে।
২) অস্ফূট ৫০০ দেখা যায়।
৩) দেৱনাগৰী লিপিত মূল্যটো লিখা থাকে।
৪) মহাত্মা গান্ধীৰ ছবিখনৰ স্থান আগতকৈ মাজত থাকে।
৫) মহাত্মা গান্ধীৰ ছবিখনৰ কাষতে ‘Bharat India’ দেখা যায়।
৬) মহাত্মাৰ সোঁফালে থকা ৱিণ্ড’ থ্ৰেডৰ ৰং নোটখন লৰচৰ কৰিলে নীলাৰ পৰা সেউজীয়ালৈ বদলি হয়।
৭) বৰ্তমানৰ গৱৰ্নৰ শশীকান্ত দাসৰ চহী গেৰাণ্টি ঘোষণাৰ তলত থাকে।
৮) নোটখনৰ সোঁফালে জলছবিৰ ভিতৰত মহাত্মা গান্ধীৰ ছবি থাকে।
৯) নোটখনৰ ওপৰ আৰু তল দুয়োফালে সৰুৰ পৰা ডাঙৰ হোৱা সাংখ্যিক নম্বৰ থাকে।
১০) নোটখনৰ তলৰ সোঁফালে ৰুপি চিহ্নৰ সৈতে সংখ্যাবোৰ থাকে। সংখ্যাবোৰ সেউজীয়াৰ পৰা নীলা হয়।
১১) নোটৰ একেবাৰে সোঁফালে অশোক স্তম্ভ থাকে।
১২) চকুৰে নেদেখাজনৰ বাবে: মহাত্মা গান্ধীৰ ছবি, অশোক স্তম্ভ, ব্লীড লাইন আৰু চিনাক্তকৰণৰ চিহ্ন খহতা (ওখকৈ) থাকে।
১৩) চকুৰে নমনাসকলৰ বাবে: নোটৰ সোঁফালে চক্ৰৰ ভিতৰত ৫০০টো ওখকৈ লিখা থাকে। সোঁ আৰু বাওঁ দুয়োফালে পাঁচটা ওখকৈ ব্লীড লাইন থাকে।
১৪) নোটখনৰ পিছফালে বাওঁদিশত ছপাৰ বছৰ উল্লেখ থাকে।
১৫) নোটখনৰ পিছফালে বাওঁদিশত স্বচ্ছ ভাৰতৰ ল’গ’ আৰু শ্ল’গান থাকে।
১৬) নোটখনৰ পিছফালৰ মাজৰ দিশে এক ভাষাৰ পেনেল থাকে।
১৭) লালকিলাৰ ছবি।
১৮) নোটৰ পিছফালে শীৰ্ষৰ সোঁফালে সংখ্যাত ৫০০টো দেৱনাগৰী লিপিত লিখা থাকে।
