টীয়কৰ জাঁজীমুখৰ বেজৰছিগাত আজি সন্ধিয়া এক ভয়ংকৰ অগ্নিকাণ্ড সংঘটিত হয়। এই বিধ্বংসী অগ্নিকাণ্ডৰ ফলত এটা পৰিয়ালৰ বিস্তৰ ক্ষতিসাধন হয়।
অগ্নিকাণ্ডটোৰ ফলত জিতেন বৰা নামৰ ব্যক্তিজনৰ ঘৰত গুটি ধানৰ এটা ভঁৰাল জ্বলি ছাই হৈ যায়।
তদুপৰি ধানৰ ভৰাঁলটোৰ লগতে থকা গুদামত বহু মূল্যৱান সামগ্ৰীও জ্বলি চাৰখাৰ হয়।
Also Read: Covid Update ৰাজ্যত উদ্বেগজনকভাৱে বৃদ্ধি কোভিডৰ দৈনিক সংক্ৰমণ,পজিটিভিটিৰ হাৰ; আজি কিমান আক্ৰান্ত?
স্থানীয় ৰাইজে চেষ্টা কৰি কাষতে থকা ঘৰটো ৰক্ষা কৰিব পাৰে যদিও ভঁৰালৰ ধানখিনি সম্পূৰ্ণ ৰূপে জ্বলি উঠে।ভঁৰালৰ লগতে থকা খেৰৰ ঘৰৰ বাবে তৎমুহূৰ্ততে জুইয়ে আগুৰি ধৰে।
স্থানীয় ৰাইজে জনোৱা অনুসৰি শ্বৰ্ট চাৰ্কিটৰ বাবেই এই অগ্নিকাণ্ড সংঘটিত হয়। টীয়কৰ পৰা যোৱা আগ্নি নিৰ্বাপক বাহিনী গৈ জুই নুমোৱাত সহায় কৰে।
