অসম মানেই অসমান কিয়? যদি চৌপাশে শান্তি আৰু শান্তি তেন্তে আন্দোলনকাৰীৰ মুখ বন্ধ নীতি কিয়??

হেৰৌ… উন্নয়নে জাতিষ্কাৰ হেনো চৌদিশ.. অসমত হেনো আন্দোলন প্ৰতিবাদে নাই!! তেন্তে ১৪৪ ধাৰা আৰু বণ্ড ছাইন কৰাই প্ৰতিবাদী জনতাৰ মুখ বন্ধ কৰাৰ নীতি কিয়?

যদি চাৰিওফালে শান্তিয়েই বিয়পাইছে অশান্তি হোৱাৰ ভয়ত ১৪৪ ধাৰা আৰু প্ৰতিবাদকাৰী নেতাক বণ্ড ছাইন কৰি মুখ বন্ধৰ কৌশল কিয় লৈছে?

চাৰিওফালে শান্তি প্ৰগতি উন্নয়ন আৰু জনতাৰ হকে লোৱা নীতি দেখিলে নিশ্চয়কৈ আন্দোলন-প্ৰতিবাদ নহয়; নিজেই বন্ধ হ’ব…

যদি চৌদিশে কেৱল শান্তি শান্তি আৰু শান্তি প্ৰতিবাদকাৰীক মুখ বন্ধ কৰিবলৈ দেশৰ গৃহ মন্ত্ৰী অমিত শ্বাহ অসমলৈ অহাৰ সময়ত ১৪৪ ধাৰাৰ অপ প্ৰয়োগ নকৰিলেও হ’লহেঁতেন… শান্তিৰে সকলো জীয়াই থাকিলহেঁতেন বা শান্তিৰে সকলোৱে অসমলৈ গৃহ মন্ত্ৰীক আদৰণি জনালেহেঁতেন (মনে মনে হ’লেও)……

চাৰিওফালে উন্নয়ন আৰু জনতাৰ হকে লোৱা নীতি দেখি আন্দোলনকাৰী নেতা সকলেও মুখ বন্ধ কৰি ৰাখিলেহেঁতেন… শিৱসাগৰত ৬ প্ৰতিবাদকাৰী নেতাক জিলা দণ্ডাধিশৰ সন্মুখত বলেৰে মাতি নি বণ্ড ছাইন কৰোৱা পৰিস্থিতি নাহিলেইহেঁতেন…

শিৱসাগৰৰ ঠিকাদাৰ নিৰ্মল ম’ৰক সাহস আছে যদি বণ্ড ছাইন কৰাব লাগিছিল যাতে ৰাজহুৱা স্থানত দ্বিতীয়বাৰ কোনো লোককে ঠাপৰ মাৰিব নোৱাৰে বা প্ৰহাৰ কৰিব নোৱাৰে!!

কিন্তু কৰালে চৰকাৰৰ জন বিৰোধী কাৰ্যকলাপৰ তীব্ৰ বিৰোধিতা কৰা নেতাকহে!!! এয়াই অসম হয় য’ত আন্দোলন প্ৰতিবাদ নাই বুলি শাসক পক্ষৰ নেতাই কয় আৰু অন্যহাতে আন্দোলন প্ৰতিৰোধ কৰিবলৈ আন্দোলন নথকা বা চাৰিওফালে শান্তি বিৰাজ কৰা দেশ এখনত ১৪৪ ধাৰা লগাই ৰাজপথ আৰু চৰকাৰী কাৰ্যালয়ৰ সন্মুখত ৫ জনতকৈ অধিক লোক সমবেত হ’বলৈ দিয়া নহ’ব বুলিও কয় বা আন্দোলনকাৰী নেতাক মাতি নি বণ্ড ছাইনও কৰায়!!!!

Eyai অসম মানে ইয়াত সকলো অসমান…. গণতান্ত্ৰিক প্ৰতিবাদক মষিমূৰ কৰি ইয়াত চলে চৰকাৰৰ জনবিৰোধী নেতাৰ বিৰুদ্ধে প্ৰতিবাদ কৰা প্ৰতিবাদকাৰীৰ মুখ বন্ধৰ কৌশল বা ৰাজহুৱা স্থানত চৰকাৰ বিৰোধী শ্লোগান বন্ধৰ কৌশল… তাৰ বিপৰীতে চলে শাসক পক্ষৰ বন্দনাৰে ভৰপূৰ শ্লোগান… সেয়েহে কওঁ “ভাৰত মাতা কি জয়”!!