দুলীয়াজানৰ বালিজান গাঁৱত কালি নিশা অৰ্থাৎ ৯ ডিচেম্বৰৰ নিশা এক ভয়াৱহ অগ্নিকাণ্ড সংঘটিত হয়। এই অগ্নিকাণ্ডত প্ৰমেশ সেন, কান্দ্ৰা উৰাং আৰু জেমছ উৰাং নামৰ তিনিজন লোকৰ ঘৰ সম্পূৰ্ণৰূপে ভস্মীভূত হয়।
পিছত অগ্নিকাণ্ডৰ বিষয়ে জানিব পাৰি অইল ইণ্ডিয়া লিমিটেড কোম্পানীৰ অগ্নি নিৰ্বাপক বাহিনীৰ গাড়ী ঘটনাস্থলীত উপস্থিত হৈ অগ্নি নিৰ্বাপণ কৰিবলৈ সক্ষম হয়।
উল্লেখযোগ্য যে অগ্গিকাণ্ডত ঘৰ ভস্মীভূত হোৱা প্ৰমেশ সেনৰ জীয়ৰী শিল্পী সেনৰ ১২ ডিচেম্বৰত বিবাহৰ দিন ধাৰ্য কৰি বিবাহৰ বাবে ব্যাপক আয়োজন চলাইছিল। কিন্তু বৰ্তমান অগ্নিকাণ্ডত সকলো জ্বলি ভস্মীভূত হোৱাত পৰিয়ালটোৰ হাহাকাৰ অৱস্থা হৈছে।
আনহাতে এই অগ্নিকাণ্ডত কান্দ্ৰা উৰাঙৰ পুত্ৰ জহান উৰাং আৰু বোৱাৰী লক্ষী উৰাং অগ্নিদগ্ধ হোৱাত ডিব্ৰুগড়স্থিত অসম চিকিৎসা মহাবিদ্যালয়লৈ প্ৰেৰণ কৰে।
বৰ্তমানলৈকে অগ্নিকাণ্ডত হোৱা ক্ষয়ক্ষতিৰ পৰিমাণ জানিব পৰা হোৱা নাই।
