ৰাজপথত ঘূৰি ফুৰা দেখা গৈছে এজন ব্যক্তিক। হাতত এটা মানুহৰ ভৰি লৈ ফুৰিছে ৰাজপথত।
এই ভয়ংকৰ দৃশ্য দেখা গৈছে আমেৰিকাৰ কেলিফৰ্ণিয়াত। আৰক্ষীৰ মতে, এজন গৃহহীন লোকে কটা ভৰি এখন লৈ ঘূৰি ফুৰা দেখা গৈছে।
ৰে’ল দুৰ্ঘটনাত মৃত্যু হোৱা এজন ব্যক্তিৰ কটা ভৰিখন ৰে’লপথৰ পৰা তুলি লৈ যায় লোকজনে। দাবী কৰা হৈছে যে লোকজনে ৰাস্তাত খোজ কাঢ়ি গৈ থকা অৱস্থাত কটা ভৰিখনৰ মাংস কামুৰিছিল।
শুকুৰবাৰে ৱাস্কো আমট্ৰক ষ্টেচনৰ সমীপত সংঘটিত হয় এক ৰে’ল দুৰ্ঘটনা। ৰে’লত তলত সোমাই মৃত্যু হয় এগৰাকী ব্যক্তি। আৰক্ষীয়ে লোকজনৰ মৃতদেহ উদ্ধাৰ কৰিবলৈ সক্ষম হয় যদিও ভৰি দুখন উদ্ধাৰ কৰিবলৈ সক্ষম হোৱা নাই।
পিছত এগৰাকী মহিলাই গৃহহীন লোকজনে কটা ভৰি এখন লৈ ঘূৰি ফুৰা দেখি তেওঁ আৰক্ষীক খবৰ দিয়ে।
খবৰ পোৱাৰ পিছত আৰক্ষীয়ে লোকজনক গ্ৰেপ্তাৰ কৰিছে।
