Road Accident ওদালগুৰি জিলাৰ পানেৰী থানাৰ অন্তৰ্গত ফুলকুছিত দেওবাৰে ৰাতিপুৱা ৮ বজাত তীব্রবেগী এখন স্কৰপিও বাহনৰ খুন্দাত থিতাতে নিহত হয় এটি ৭ বছৰীয়া শিশুৰ।
উল্লেখযোগ্য যে AS 12 X 5477 নম্বৰৰ বাহনখনৰ চলকজনে দুৰ্ঘটনাটো সংঘটিত কৰি লগে লগে পানেৰী আৰক্ষী থানাত আহি আশ্ৰয় লয়।
আনহাতে, স্কৰপিও বাহনখনত পোৱা কিছু সামগ্ৰীৰ পৰিয়ালসহ বনভোজ খাবলৈ গৈ থকা বুলি সন্দেহ কৰে ৰাইজে।
Also Read: বিশিষ্ট সমাজ সংগঠক, ভাৰতীয় ৰে’ল সেৱাৰ অৱসৰপ্ৰাপ্ত শীৰ্ষ বিষয়া ৰবীন্দ্ৰ চন্দ্ৰ বৰুৱাৰ দেহাৱসান
বৰ্তমান পানেৰী আৰক্ষী থানাই ঘটনাটোৰ তদন্ত অব্যাহত ৰখাৰ লগতে নিহত শিশুটিক মৰণোত্তৰ পৰীক্ষাৰ বাবে ওদালগুৰি অসামৰিক চিকিৎসালয়লৈ প্ৰেৰণ কৰিছে।
ফুলকুছিৰ নিবাসী ফাৰ্মাচিষ্ট গৌতম পালৰ একমাত্ৰ পুত্ৰ নিহত গৌৰৱ পাল ইংৰাজী মাধ্যমৰ বিদ্যালয় এখনত অধ্যয়নৰত চতুৰ্থ শ্ৰেণীৰ এগৰাকী মেধাৱী ছাত্ৰ আছিল।
