শিৱসাগৰৰ এখন বিশেষ বিদ্যালয়।
যি খন বিদ্যালয়ত নিজৰ সন্তানক শিক্ষাদান কৰিবলৈ হেতাওপৰা কৰে অভিভাৱকে।
দুদিন আগৰে পৰা দিনে- ৰাতিয়ে নামভৰ্তিৰ প্ৰ পত্ৰ সংগ্ৰহ কৰিবলৈ দীঘলীয়া শাৰী পাতে অভিভাৱকে।
হয়, এইখন হৈছে শিৱসাগৰ নগৰৰ মাজমজিয়াত স্থাপিত ১ নং টাউন নিম্ন প্ৰাথমিক বিদ্যালয়। এই বিদ্যালয়খনক দুখীয়া স্কুল বুলিও জনা যায়।
আজিৰে পৰা এই বিদ্যালয়ত নামভৰ্তিৰ বাবে প্ৰ- পত্ৰ বিতৰণ কৰা হৈছে। কিন্তু বিদ্যালয়খনত আসন সীমিত হোৱাৰ বাবে প্ৰ পত্ৰ সংগ্ৰহ কৰিবলৈ দুদিন আগৰে পৰা বিদ্যালয়খনৰ সন্মুখত অভিভাৱক সকলে এইদৰে শাৰী পাতি থকা দেখিবলৈ পোৱা গৈছে।
যি সময়ত ব্যক্তিগত খণ্ডৰ বিদ্যালয়ৰ দপদপনিত এখন এখনকৈ চৰকাৰী মাধ্যাৰ বিদ্যালয় ছাত্ৰ ছাত্ৰীৰ অভাৱত বন্ধ হব ধৰিছে, ঠিক তেনে সময়তে চৰকাৰী বিদ্যালয়ত নিজৰ সন্তানত পঢ়োৱাবলৈ এইদৰে দুদিন আগৰে পৰা শাৰী পাতি থকাৰ ঘটনাই ব্যাপক চৰ্চা লাভ কৰিছে।
আনহাতে অভিভাৱক সকলে নিজৰ সন্তানক অসমীয়া মাধ্যমৰ বিদ্যালয়ত নামভৰ্তি কৰোৱাবলৈ যি আগ্ৰহ দেখুৱাইছে তাৰ পৰা জানিব পাৰি অসমীয়া ভাষাৰ প্ৰতি অসমীয়াৰ দৰদ, হেঁপাহ আগ্ৰহ কিমান। অসমীয়া জাতি, ভাষাৰ সংকটৰ সময়ত লোৱা এই প্ৰচেষ্টাই অসমীয়া মাধ্যমৰ বিদ্যালয়ত সুফল দিয়াৰ পথত অগ্ৰসৰ হৈছে।
ৰাজ্যৰ আন বিদ্যালয়ৰ বাবে এক আদৰ্শ হৈ পৰিছে শিৱসাগৰৰ এই ১ নং টাউন নিম্ন প্ৰাথমিক বিদ্যালয়।
