পথ নিৰ্দেশক আৰু ডেৰাডুনৰ ভাৰতীয় বন্যপ্ৰাণী প্ৰতিষ্ঠান (Wildlife Institute of India) প্ৰশিক্ষণপ্ৰাপ্ত ফটোগ্ৰাফাৰৰ সৈতে বিজ্ঞানীৰ এটা দল আহি চীন-ভাৰত সীমান্তত উপস্থিত হৈছে। অৰুণাচলৰ ছিয়াং নদীৰ উপত্যকাত এটা বন্যপ্ৰাণীৰ ওপৰত এটা গৱেষণামূলক অভিযান সম্পন্ন কৰি থকা দলটোৱে চীন-ভাৰত সীমান্তত থকা উজনি ছিয়াং জিলাৰ টুটিং আৰু গেলিঙত আজি উপস্থিত হৈছে।
দলটোৱে এলেকাটোৰ জৈৱ-বৈচিত্ৰৰ ওপৰত বিশদ বৈজ্ঞানিক অধ্যয়ন কৰি বন্যপ্ৰাণীৰ জৰীপ, তথ্যভুক্তি, বন্যপ্ৰাণী ফটো তোলা, বন্যপ্ৰাণীৰ শব্দ সন্ধান বিজ্ঞান সন্মত ফটোগ্ৰাফী আদি। এয়া গ্ৰন্থ আৰু গৱেষণাপত্ৰ আকাৰে প্ৰকাশ কৰা হ’ব।
দলটোৱে ৩০ তাৰিখে পোবা আৰু লালি সংৰক্ষিত বনাঞ্চল আৰু দয়িং ইৰিং বন্যপ্ৰাণী সংৰক্ষিত বনাঞ্চলত উপস্থিত হৈ জৰীপ সম্পন্ন কৰিছে।
বন্যপ্ৰাণী বিশেষজ্ঞৰ দলটোত মৌলিং ৰাষ্ট্ৰীয় উদ্যানৰ মাণ্ডলিক বন বিষয়া (বন্যপ্ৰাণী) বোকেন পাৱেও আছে। বৰ্তমান দলটো মৌলিং ৰাষ্ট্ৰীয় উদ্যানত জৰীপ আৰু ফটো তোলাত ব্যস্ত আছে। বিশেষজ্ঞৰ দলটোৱে ৰাষ্ট্ৰীয় উদ্যানখনৰ পাহাৰৰ টিঙত বাস কৰা বন্যপ্ৰাণীসমূহৰ বিষয়ে অৱগত হ’বলৈ ড্ৰোন কেমেৰাও ব্যৱহাৰ কৰিছে।
জানিব পৰা মতে দলটোৱে এতিয়ালৈকে বিজ্ঞানৰ দৃষ্টিত নপৰা ভালেকেইটামান পক্ষী, সৰীসৃপ, পতংগৰ প্ৰজাতি আৱিষ্কাৰ কৰিছে। অৱশে এতিয়াও ইয়াৰ সবিশেষ প্ৰকাশ কৰা হোৱা নাই।
অভিযাত্ৰী দলটোৰ নেতৃত্বত আছে জীৱবিজ্ঞানী ড০ অভিজিৎ দাস। দলটোত আছে ড০ মনোজ নাইক (পক্ষীবিদ), ড০ বিভাস পাণ্ডৱ (ব্যাঘ্ৰ বিশেষজ্ঞ), ড০ নভেন্দু পেজ (বৃক্ষ নাম বিশেষজ্ঞ), বিবিক সৰকাৰ (পৰুৱাবিদ), ধৃতিমান মুখাৰ্জী (প্ৰশিক্ষিত বন্যপ্ৰাণী ফটোগ্ৰাফাৰ), অৱসৰপ্ৰাপ্ত অধ্যাপক (বন্যপ্ৰাণী) সুশূল কুমাৰ দত্ত আদি। তেওঁলোকে বন্যপ্ৰাণী আৰু তথ্যভুক্তিকৰণ, বন্যপ্ৰাণীৰ শব্দ সন্ধান আৰু বৈজ্ঞানিক ফটোগ্ৰাফীৰ ওপৰত এটা জৰীপ সম্পন্ন কৰিব। এয়া পৰৱৰ্তী সময়ত কিতাপ আৰু গৱেষণামূলক প্ৰৱন্ধ হিচাপে প্ৰকাশ কৰা হ’ব।
এই পাৰিপাৰ্শিক অভিযানটোত ছিয়াং নদীৰ উপত্যকাত বন্যপ্ৰাণীৰ ঐতিহাসিক যাত্ৰাপথ সম্পৰ্কেও এটা জৰীপ চলোৱাৰ উদ্দেশ্য আছে।
উল্লেখ্য যে বৃটিছসকলে আবৰ জংঘলত অভিযান চলাইছিল। এই স্থানসমূহক আজি কালি ছিয়াং, পূব ছিয়াং, পশ্চিম ছিয়াং, নামনি ছিয়াং আৰু উজনি ছিয়াং নামেৰে জনা যায়।
দলটো ২২ অক্টোঊৰত পাছিঘাটলৈ উভতি আহি ২৫ অক্টোবৰত অভিযানৰ সামৰণি মাৰিব।
