লখিমপুৰ জিলাৰ হাৰমতিত নিশা সংঘটিত হয় এক ভয়ংকৰ পথ দুৰ্ঘটনা। দুৰ্ঘটনাটোত থিতাতে এজন যুৱকৰ মৃত্যু হয়।
ৰখাই থোৱা এখন ট্ৰাকৰ পাছফালে মটৰ চাইকেলেৰে আহি প্ৰচণ্ড জোৰেৰে খুন্দা মৰাৰ ফলতে শোকাৱহ দুৰ্ঘটনাটো সংঘটিত হয়।
হাৰমতি চাহ বাগিচাৰ সন্মুখৰ ১৫ নং ৰাষ্ট্ৰীয় ঘাইপথৰ দাঁতিত চিমেণ্ট ভৰ্তি ট্ৰাকখন ৰখাই থোৱা আছিল আৰু AR-06A-2364 নম্বৰ মটৰ চাইকেলত উঠি অহা যুৱকজনে AS-22C-2481 নম্বৰৰ ট্ৰাকখনত খুন্দা মাৰি দুৰ্ঘটনাত পতিত হয়।
লগতে পঢ়ক: উত্তৰ গুৱাহাটীৰ গৌৰীপুৰ আৰক্ষী চকীৰ সন্মুখতে দুৰ্বৃত্তই জ্বলাই দিলে জব্দ কৰা চুপাৰিভৰ্তি ট্ৰাক
তীব্ৰ বেগেৰে খুন্দা মৰাৰ ফলত ঘটনাস্থলীতে মটৰচাইকেল আৰোহী যুৱকজনৰ কৰুণ মৃত্যু হয়। নিহত যুৱকজন অৰুণাচলৰ বুলি জানিব পৰা গৈছে।
ঘটনাস্থলীত আৰক্ষী উপস্থিত হৈ ট্ৰাকখনৰ তলৰ পৰা মৃতদেহটো উদ্ধাৰ কৰে।
