আজি দুপৰীয়া বৰপেটা জিলাৰ সৰভোগ আৰক্ষী থানাৰ অন্তৰ্গত ৰহাৰ বড়োপাৰা গাৱঁৰ পোকালাগি নৈৰ বুকুত এজন যুৱক সন্ধানহীন হোৱাৰ বাতৰি পোৱা গৈছে। যুৱকজন ৰহা বড়োপাৰাৰ গাৱঁৰ দেৱেন্দ্ৰ বসুমতাৰীৰ পুত্ৰ মজুমদাৰ বসুমতাৰী বুলি জানিব পৰা গৈছে।
ট্ৰেক্টৰখন ধোৱাৰ পাছত ৰহা ডাক বঙলাৰ ওচৰেৰে বৈ যোৱা পোকালাগি নদীত সাঁতুৰিবলৈ যাওঁতে সোঁতত মজুমদাৰ বসুমতাৰী উটি গৈছে বুলি প্ৰত্যক্ষদৰ্শীয়ে জনাইছে।
পিছত ৰহাৰ পোকালাগি নদীত সৰভোগ আৰক্ষীৰ সহযোগত ৰাষ্ট্ৰীয় দুৰ্যোগ প্ৰশমন বাহিনী (NDRF) আৰু ৰাজ্যিক দুৰ্যোগ প্ৰশমন বাহিনীয়ে (SDRF) উদ্ধাৰ অভিযান চলায় যদিওঁ সন্ধানহীন যুৱকজনক উদ্ধাৰ কৰিব পৰা নাই।
যুৱকজনৰ সন্ধানত পুনৰ অহাকালি ৰাতিপুৱা ৯ বজাৰ উদ্ধাৰ অভিযান চলোৱা হ’ব বুলি জানিব পৰা গৈছে।