সদৌ অসম গোৰ্খা ছাত্ৰ সন্থাৰ বালিচাং আঞ্চলিক সমিতিৰ উদ্যোগত বালিচাঙত, মহজুলি, ২ নং দিলিচাং , ভীমাজুলি, ৰতনপুৰ, ৰূপালী বস্তি, দিৰিং বিজয়পুৰ অঞ্চলৰ গোৰ্খা সকলৰ সহযোগত কবি লক্ষ্মীপ্ৰসাদ দেৱকোটা দেৱৰ জন্ম জয়ন্তীৰ লগত সংগতি ৰাখি ১১ নৱেম্বৰ দেওবাৰে বিশ্বনাথৰ অসম অৰুণাচল সীমান্তৱৰ্তী বালিচাঙত দিনযোৰা কাৰ্যসুচীৰে দেউছি আৰু ভাইলো প্ৰতিযোগিতা অনুষ্ঠিতকৰা হয়।
কাৰ্যসূচী অনুসৰি, ১১ নৱেম্বৰৰ পুৱা বালিচাং আঞ্চলিক গোর্খা ছাত্ৰ সন্থাৰ সভাপতি জয়ন্ত উপাধ্যায়ে পতাকা উত্তোলন কৰাৰ পিছতে কবি গৰাকীৰ প্ৰতিচ্ছবিত বন্তি প্ৰজ্বলন কৰাৰ লগতে পুষ্পাঞ্জলি অৰ্পণ কৰে সাকোমাঠো সমবায় সমিতিৰ সভাপতি নাৰায়ণ উপাধ্যায় আৰু সম্পাদক লোহিত চেত্ৰীয়ে।
বিশ্বনাথৰ বিভিন্ন প্ৰান্তৰ যুৱক- যুৱতীৰ দলে অংশগ্ৰহণ কৰা দেউছি আৰু ভৈলী প্ৰতিযোগিতাখন উদ্বোধন কৰে আগছুৰ বিশ্বনাথ জিলাৰ সাধাৰণ সম্পাদক ঘনলাল বিশ্বকৰ্মাই। উক্ত অনুষ্ঠানত নিৰ্দিষ্ট বক্তা হিচাপে উপস্থিত থাকে সদৌ অসম নেপালী সাহিত্য সভাৰ সম্পাদক মদন থাপা।
ক্ষেমৰাজ চেত্ৰীয়ে সঞ্চালনা কৰা অনুষ্ঠানটোত সদৌ অসম ছাত্ৰ সন্থাৰ সহকাৰী সাধাৰণ সম্পাদক দুলদুল বৰকটকী, বিশ্বনাথ জিলা গোর্খা ছাত্ৰ সন্থাৰ সভাপতি দিলীপ গজুৰেল, বিশ্বনাথ জিলা গোর্খা ছাত্ৰ সন্থাৰ সম্পাদক ঘনলাল বিশ্বকৰ্মা, বিশ্বনাথ জিলা গোর্খা সন্মিলনৰ উপদেষ্টা হৰি প্ৰসাদ শৰ্মা, বিশ্বনাথ জিলা নেপালী সাহিত্য সভাৰ সম্পাদক হেমন্ত ভট্টৰাই আমন্ত্ৰিত অতিথি হিচাপে উপস্থিত থাকে।
প্ৰতিযোগিতাখনত বিচাৰকৰ দায়িত্ব গ্ৰহণ কৰে পূৰ্ণকুমাৰ শৰ্মা, তিলক শৰ্মা আৰু ৰেখা দেৱীয়ে। প্ৰতিযোগিতাৰ অন্তত বিজয়ী দলসমুহক নগদ ধন, মানপত্ৰ আৰু ট্ৰফীৰে সন্মান জনোৱা হয়।
