অত্যাৱশ্যকীয় সামগ্ৰীৰ মূল্যবৃদ্ধি নিয়ন্ত্ৰণৰ দাবীত গুৱাহাটী মহানগৰীত আম আদমী পাৰ্টিয়ে আজি প্ৰতিবাদী কাৰ্য্যসূচী ৰূপায়ন কৰে।
অসম ৰাজ্যিক সমিতি আৰু গুৱাহাটী মহানগৰ জিলা সমিতিয়ে গুৱাহাটী ক্লাৱত এই প্ৰতিবাদী কৰ্য্যসূচী সাব্যস্ত কৰে।
খাদ্য সামগ্ৰীৰ মূল্যবৃদ্ধি নিয়ন্ত্ৰণত যোগান বিভাগ সম্পূৰ্ণৰূপে ব্যৰ্থ হোৱা অভিযোগ তুলি অসম ৰাজ্যিক সমিতিৰ যুটীয়া সমন্বয়ক আব্দুল ৱাহিদে চৰকাৰক শীঘ্ৰে খাদ্য সামগ্ৰী মূল্য নিৰ্ধাৰণ কৰাৰ বাবে আবেদন জনায়।
ৱাহিদে আসাধু ব্যৱসায়ী সকলক নাকী লগাই নিয়ন্ত্ৰণ কৰাৰ বাবেও চৰকাৰৰ ওচৰত দাবী জনায়।
উল্লেখযোগ্য যে, ক’ৰ’না ভাইৰাছৰ সংক্ৰমণৰ বাবে সম্পূৰ্ণ সামাজিক দূৰত্ব মানি সাব্যস্ত কৰা এই প্ৰতিবাদী কাৰ্য্যসূচীৰ সময়ত হাতে-হাতে মূল্যবৃদ্ধিৰ বিভিন্ন শ্লোগান লিখা থকা প্লেকাৰ্ড প্ৰদশৰ্ন কৰে প্ৰতিবাদকাৰী সকলে।
প্ৰতিবাদী কাৰ্যসূচীত আপৰ মহানগৰ জিলা সমিতিৰ নেতৃত্বয়ো অংশগ্ৰহণ কৰে।
