শোণিতপুৰ জিলাৰ অন্যতম আগশাৰীৰ উচ্চশিক্ষা প্ৰতিষ্ঠান দৰং মহাবিদ্যালয়ত আজি অনুষ্ঠিত ছাত্ৰ একতা সভাৰ নিৰ্বাচনত গোটেই কেইটা পদতে সদৌ অসম ছাত্ৰ সন্থাৰ সমৰ্থিত প্ৰাৰ্থীয়ে জয়লাভ কৰে।
এ বি ভি পি আৰু এন এছ য়ু আইক ধুলিসাৎ কৰি পুনৰ দৰং মহাবিদ্যালয় ছাত্ৰ একতা সভা আছুৰ দখললৈ অহাত জিলাখনৰ আছুৰ কৰ্মীসকলৰ মাজত এক উৎসৱমূখৰ পৰিবেশে বিৰাজ কৰে।
উক্ত নিৰ্বাচনত জয়লাভ কৰা ১৫ গৰাকী আছুৰ প্ৰাৰ্থি হৈছে- সভাপতি পদত তৃশানু ভূঞা, উপ সভাপতি পদত শোভাগিনী তালুকদাৰ, সাধাৰণ সম্পাদক পদত গীতাৰ্থ হাজৰিকা, সহঃ সাধাৰণ সম্পাদক পদত অভিনাশ হাজৰিকা, সাহিত্য বিভাগত অংকুৰ জ্যোতি দাস, সাংস্কৃতিক বিভাগত হিমাংশু বৰা, তৰ্ক আৰু যুক্তি বিভাগত প্ৰাণজিৎ নাথ, চিত্ৰ-শিল্প বিভাগত আকাংশা কোচ, ব্যায়ামগাৰ বিভাগত বেলেৰিয়াছ বচুমতাৰী, ক্ৰীড়া বিভাগত যুগল বৰা, আন্তঃক্ৰীড়া বিভাগত মিন্টু পাঠক, বৰ্হি ক্ৰীড়া বিভাগত চিন্ময় ডেকা, ছাত্ৰ জিৰণি কোঠা বিভাগত ৰক্তিম বৰা, ছাত্ৰী জিৰণি কোঠা বিভাগত শিল্পীশিখা দাস আৰু সমাজসেৱা বিভাগত গৌতম শইকীয়া।
উল্লেখযোগ্য যে দৰং মহাবিদ্যালয়ৰ ছাত্ৰ একতা সভা যোৱা ৬ বছৰে একেৰাহে আছুৰ দখলত আছে।
