দেশত কৰ’নাৰ দ্বিতীয়টো ঢৌত সংক্ৰমণে আতংকৰ সৃষ্টি কৰিছে। এইবাৰ কৰ’নাৰ দ্বিতীয়টো ঢৌত কম বয়সীয়াসকলো সংক্ৰমিত হৈছে।
দ্বিতীয়টো ঢৌত ৪৫বছৰৰ তলৰ ৬০শতাংশ লোক ইতিমধ্যে কৰ’নাত আক্ৰান্ত হৈছে। শিশুসকলো সাৰি যোৱা নাই এই সংক্ৰমণৰ পৰা।
দেশৰ ৩শতাংশ কৰ’না আক্ৰান্তৰ বয়স ১০ বছৰৰ তলত। বিভিন্ন মহহলত এইবাৰ শিশুসকলকো প্ৰতিষেধক দিয়াৰ দাবী উঠিছে।
কেন্দ্ৰীয় চৰকাৰে দাঙি ধৰা তথ্য অনুসৰি, চলিত বছৰত দেশৰ মুঠ কৰ’না আক্ৰান্তৰ ৮.৫শতাংশ ৰোগীৰ বয়স ১০ৰ পৰা ২০বছৰৰ ভিতৰত।
বিগত দুমাহত মহাৰাষ্ট্ৰত ২০ বছৰৰ তলৰ ৯শতাংশ ৰোগী কৰ’নাত আক্ৰান্ত হৈছে।
এইবাৰ কম বয়সীয়াসকলো কৰ’নাৰ কবলত পৰিছে। এতিয়ালৈকে দেশৰ ১১শতাংশ কৰ’না ৰোগীৰ বয়স ২০বছৰৰ তলত। সেইদৰে ৩শতাংশ ৰোগীৰ বয়স ১০বছৰতকৈ কম।
গতিকে, এইবাৰ কৰ’নাৰ সংক্ৰমণৰ পৰা সাৰি যোৱা নাই শিশুসকলো। কেন্দ্ৰৰ তথ্য অনুসৰি দেশৰ মুঠ কৰ’না আক্ৰান্তৰ ভিতৰত ১০ৰ পৰা ২০ বছৰৰ ভিতৰত আছে ৮.৫শতাংশ ৰোগী।
এইবাৰ ১৮ বছৰৰ তলৰ কৰ’না ৰোগীৰ সংখ্যা ব্যাপক হাৰত বাঢ়িছে বুলি চিকিৎসক-বিশেষজ্ঞৰ সূত্ৰই জানিবলৈ দিছে।
