প্ৰসিদ্ধ আমেৰিকান অভিনেত্ৰী-সংগীত শিল্পী জৰ্জিয়া হ’ল্টৰ দেহাৱসান

প্ৰসিদ্ধ আমেৰিকান অভিনেত্ৰী, সংগীতজ্ঞ তথা মডেল ৯৬ বছৰীয়া জৰ্জিয়া হ’ল্টৰ দেহাৱসান ঘটিছে। মাৰ্কিন পপ তাৰকা কন্যা শ্বেৰে টুইটাৰত জৰ্জিয়া হ’ল্টৰ মৃত্যুৰ খবৰটো নিশ্চিত কৰিছে।

১৯২৬ চনৰ ৯ জুনত আৰ্কানচাছৰ কেনছেটত জৰ্জিয়া হ’ল্টৰ জন্ম হৈছিল। মাত্ৰ দহ বছৰ বয়সতে হ’ল্টে বেণ্ডলিডাৰ বব উইলছ আৰু হিজ টেক্সাছ প্লেবয়ৰ সৈতে প্ৰদৰ্শন আগবঢ়াইছিল।

ইয়াৰ পিছত হ’ল্ট তেওঁৰ দেউতাক আৰু ভায়েকৰ সৈতে কেলিফৰ্ণিয়ালৈ গুচি যায়।

হ’ল্টে তেওঁৰ কেৰিয়াৰৰ আৰম্ভণিতে থিয়েটাৰত দীৰ্ঘদিন ধৰি অভিনয় কৰিছিল। তাৰ পিছত ১৯৫০ৰ দশকত তেওঁ টিভিৰ পৰ্দাত জনপ্ৰিয়তা অৰ্জন কৰিবলৈ আৰম্ভ কৰে।

Mom is gone😔

— Cher (@cher) December 11, 2022

তেওঁ ‘এ লাইফ অৱ হাৰ ওন ‘১৯৫০’, ‘গ্ৰাউণ্ডছ ফৰ মেৰেজ’ (১৯৫১), ‘ফাদাৰ্ছ লিটল ডিভিডেণ্ড’ (১৯৫১), ‘আৰ্টিষ্টছ এণ্ড মডেলছ’ (৯১৫৫) আদি চলচ্চিত্ৰত অভিনয় কৰিছিল। 

হ’ল্টে “দ্য এডভেঞ্চাৰছ অফ অজি এণ্ড হেৰিয়েট”, “আই লাভ লুচি”ৰ দৰে টিভি অনুষ্ঠানতো অভিনয় কৰিছে।

অভিনয়ৰ উপৰিও, হ’ল্ট এগৰাকী গায়িকা হিচাপেও সুপৰিচিত আছিল। তেওঁ তেওঁৰ কন্যা শ্বেৰৰ সৈতেও যৌথভাৱে গানত কণ্ঠ দিছিল।