অপৰাধমূলক ন্যায় ব্যৱস্থাৰ সৱিশেষ ঘোষণা কৰি শুকুৰবাৰে গৃহমন্ত্ৰী অমিত শ্বাহে লোকসভাত কয় যে আই পি চি সন্দৰ্ভত নতুন বিধেয়কখনে দেশদ্ৰোহৰ অপৰাধ সম্পূৰ্ণৰূপে বাতিল কৰিব।
শুকুৰবাৰে শ্বাহে লোকসভাত ব্ৰিটিছ যুগৰ আইন ভাৰতীয় দণ্ডবিধি (ইণ্ডিয়ান পেনেল কোড), ফৌজদাৰী বিধি (কোড অফ ক্ৰিমিনেল প্ৰচিডিউৰ) আৰু ভাৰতীয় প্ৰমাণ আইন (ইণ্ডিয়ান এভিডেন্স এক্ট) সলনি কৰি তিনিখন নতুন বিধেয়ক উত্থাপন কৰে।
গণ প্ৰহাৰ (মব লিঞ্চিং) গোচৰত মৃত্যুদণ্ডৰ ব্যৱস্থাও কেন্দ্ৰই প্ৰৱৰ্তন কৰিবলৈ সাজু হৈছে বুলি শ্বাহে কয়।
লগতে পঢ়ক: উচ্চতম ন্যায়ালয়ত ৰাজ্যসভাত ৰঞ্জন গগৈৰ ভাষণ প্ৰসংগ; কি ক’লে মুখ্য ন্যায়াধীশ ডি ৱাই চন্দ্ৰচুড়ে?
গৃহমন্ত্ৰী শ্বাহে কয়, “মই সদনক আশ্বাস দিব পাৰো যে এই বিধেয়কসমূহে আমাৰ অপৰাধমূলক ন্যায় ব্যৱস্থাৰ ৰূপান্তৰ ঘটাব। মই এই বিধেয়কসমূহ স্থায়ী সমিতিলৈ প্ৰেৰণ কৰিবলৈ ওলাইছো। ইয়াৰ দৰে কোনো জঘণ্য অপৰাধ নাই যদিও মহিলা আৰু শিশুৰ বিৰুদ্ধে অপৰাধক ৩০২ নম্বৰ স্থান দিয়া হৈছিল (প্ৰচলিত আইনত)। আমি এই পদ্ধতি সলনি কৰিছো আৰু এতিয়া প্ৰথম অধ্যায়ত থাকিব মহিলা আৰু শিশুৰ বিৰুদ্ধে অপৰাধ।‘’
ভাৰতীয় ন্যায় সংহিতা, ২০২৩, ভাৰতীয় নাগাৰিক সুৰক্ষা সংহিতা, ২০২৩, আৰু ভাৰতীয় সাক্ষ্য বিধেয়ক, ২০২৩ক অধিক পৰীক্ষাৰ বাবে সংসদীয় পেনেললৈ প্ৰেৰণ কৰা হ’ব বুলি শ্বাহে জানিবলৈ দিয়ে।
তেওঁ সংসদর নিম্ন সদনত কয়, “যি আইন বাতিল হ’ব… সেই আইনখনৰ কেন্দ্ৰবিন্দু আছিল ব্ৰিটিছ প্ৰশাসনক সুৰক্ষা আৰু শক্তিশালী কৰা, ধাৰণাটো আছিল শাস্তি দিয়া কিন্তু ন্যায় দিয়া নহয়। সেইবোৰৰ স্থানত নতুন তিনিখন আইনে ভাৰতীয় নাগৰিকৰ অধিকাৰ সুৰক্ষা প্ৰদানৰ স্থিতি আনিব।’
শ্বাহে লগতে কয় যে, “উদ্দেশ্য শাস্তি দিয়া নহয়, ন্যায় প্ৰদান কৰা হ’ব। অপৰাধ বন্ধ কৰাৰ আৱেগ সৃষ্টি কৰিবলৈ শাস্তি দিয়া হ’ব।”
লগতে পঢ়ক: সৰ্বসাধাৰণৰ মাজত বিজ্ঞানক জনপ্ৰিয় কৰি তোলা বিজ্ঞানী ড০ প্ৰণৱজ্যোতি চেতিয়াৰ আকস্মিক বিয়োগ
শ্বাহে কয় যে নতুন বিধেয়কখনৰ অধীনত দোষী সাব্যস্ত হোৱাৰ অনুপাত ৯০% ৰ ওপৰত লোৱাটোৱেই লক্ষ্য। তেওঁ কয় যে সেইবাবেই আমি এটা গুৰুত্বপূৰ্ণ ব্যৱস্থা আনিছো যে যিবোৰ ধাৰাত ৭ বছৰ বা তাতকৈ অধিক কাৰাদণ্ডৰ ব্যৱস্থা আছে। সেইবোৰ সকলো গোচৰত ফৰেনছিক দলৰ অপৰাধস্থলীলৈ যোৱাটো বাধ্যতামূলক কৰা হ’ব।
