সোমবাৰে প্ৰাক্তন মুখ্য ন্যায়াধীশ তথা ৰাজ্যসভাৰ সাংসদ ৰঞ্জন গগৈয়ে সংবিধানৰ মৌলিক গাঁথনিৰ নীতিক লৈ ৰাজ্যসভাত এক বিতৰ্কিত মন্তব্য কৰে। ৰঞ্জন গগৈৰ এই মন্তব্য মঙলবাৰে উচ্চতম ন্যায়ালয়তো উত্থাপিত হয়। দৰাচলতে জম্মু-কাশ্মীৰক বিশেষ মৰ্যাদা দিয়া অনুচ্ছেদ ৩৭০ বাতিল কৰাৰ বৈধতা সন্দৰ্ভত উচ্চতম ন্যায়ালয়ত শুনানি চলি আছিল।
শুনানিৰ সময়তে জ্যেষ্ঠ অধিবক্তা তথা দেশৰ প্ৰাক্তন আইন মন্ত্ৰী কপিল ছিবালে উচ্চতম ন্যায়ালয়ৰ বৰ্তমানৰ মুখ্য ন্যায়াধীশ ডি ৱাই চন্দ্ৰচুড়ক কয় যে আপোনাৰ সন্মানীয় সহকৰ্মীয়ে সংবিধানৰ মৌলিক গাঁথনিৰ ওপৰত বিতৰ্কৰ বাবে অনুৰোধ জনাইছে।
তেতিয়া এই মুখ্য ন্যায়াধীশ ডি ৱাই চন্দ্ৰচুড়ে কয় যে অৱসৰপ্ৰাপ্ত ন্যায়াধীশসকল এতিয়া ‘সহকৰ্মী’ নহয় আৰু তেওঁলোকৰ মতামত বাধ্যতামূলক আদেশ নহয়।
লগতে পঢ়ক: অনন্য অভিলেখ! সংসদত নিজৰ ২ ঘণ্টীয়া ভাষণত ৫৮ বাৰ মোদীৰ নাম ল’লে অমিত শ্বাহে
ছিবালে ৰঞ্জন গগৈৰ নাম উল্লেখ নকৰিলেও ৰাজ্যসভাত গগৈৰ বক্তব্যৰ কথা উল্লেখ কৰাটো স্পষ্ট হৈ পৰিছিল, য’ত গগৈয়ে কৈছিল যে উচ্চতম ন্যায়ালয়ে নিৰ্ধাৰণ কৰা সংবিধানৰ মৌলিক গাঁথনিৰ মতবাদ সময়ৰ লগে লগে বিকশিত হৈছে ইয়াৰ ‘মৌলিক গাঁথনি’ক লৈ বিতৰ্ক কৰিব পাৰি। এইটো এটা বিতৰ্কৰ বিষয় আৰু ইয়াৰ আইনী ভিত্তি আছে।
ছিবালৰ প্ৰশ্নৰ উত্তৰত মুখ্য ন্যায়াধীশ চন্দ্ৰচুড়ে কয়, “ছিবাল ডাঙৰীয়া, যদি আপুনি কোনো সহকৰ্মীৰ কথা কয়, তেন্তে আপুনি বৰ্তমানৰ সহকৰ্মীৰ কথা উল্লেখ কৰিব লাগিব।” আমি এবাৰ পদ ত্যাগ কৰাৰ পিছত আৰু ন্যায়াধীশ হৈ নাথাকিলে সেইটো আমাৰ নিজৰ মতামত, আমাৰ নিজৰ সিদ্ধান্ত হৈ পৰে। সেইবোৰ এতিয়া বাধ্যতামূলক আদেশ হৈ নাথাকে। ,
ইয়াৰ উত্তৰত ছিবালে কয়, “কিন্তু মই আচৰিত হৈছো।”
তাৰ মাজতে বাধা দি ছলিচিটৰ জেনেৰেল তুষাৰ মেহতাই কপিল ছিবালক কয় যে আদালতত যি হয়, সেই বিষয়ে সংসদত আলোচনা নহয়, আৰু সংসদত কি হৈ আছে সেই বিষয়ে আলোচনাৰ পৰাও আদালতে বিৰত থাকিব লাগে।
লগতে পঢ়ক: চন্দ্ৰপৃষ্ঠত পানীৰ সন্ধানত এইবাৰ চন্দ্ৰলৈ মহাকাশযান প্ৰেৰণ কৰিবলৈ সাজু ৰাছিয়া
মেহতাই কয়, “গগৈৰ ক’ব বিচৰা কথা ক’বলৈ ‘প্ৰকাশৰ স্বাধীনতা’ আছে।”
মেহতাই কটাক্ষ কৰি লগতে কয়, “ছিবালে ইয়াত (আদালত) সংসদীয় বিতৰ্কৰ উত্তৰ দিছে কাৰণ তেওঁ মঙলবাৰে সংসদত উপস্থিত নাছিল।”
জম্মু-কাশ্মীৰৰ পৰা ৩৭০ অনুচ্ছেদ আঁতৰোৱাৰ গোচৰত যুক্তি দিছিল ছিবালে। জম্মু-কাশ্মীৰক দিয়া বিশেষ মৰ্যাদা শেষ কৰিবলৈ সংসদত চৰকাৰে সংখ্যাগৰিষ্ঠতাৰ সহায় লৈ কৰা বুলিও তেওঁ কৈছিল৷
তেওঁ আশংকা প্ৰকাশ কৰে যে যিদৰে এখন ৰাজ্যক কেন্দ্ৰীয় শাসিত অঞ্চলত ভাগ কৰি তাত কেন্দ্ৰীয় চৰকাৰৰ শাসন কাৰ্যকৰী কৰা হ’ল, যদি আদালতে হস্তক্ষেপ নকৰে তেন্তে আন ৰাজ্যতো হ’ব পাৰে।
উল্লেখ্য যে সোমবাৰে ৰাজ্যসভাত দিল্লী সেৱা বিধেয়কৰ প্ৰস্তাৱ দাখিল কৰাৰ সময়ত ৰাজ্যসভাৰ সাংসদ তথা দেশৰ প্ৰাক্তন মুখ্য ন্যায়াধীশ ৰঞ্জন গগৈয়ে সংবিধানৰ মৌলিক গাঁথনি সন্দৰ্ভত এক বক্তৱ্য দাঙি ধৰি বিধেয়কখনক সমৰ্থন কৰিছিল।
লগতে পঢ়ক: ’ন্যায়পালিকাত বৈচিত্ৰ্যৰ অভাৱ’, সংসদীয় সমিতিৰ প্ৰতিবেদনত চাঞ্চল্যকৰ তথ্য; কি পৰামৰ্শ সমিতিৰ?
সদনত তেওঁ কয়, ‘এই আইনখন (দিল্লী সেৱা বিল) মোৰ ভাল নালাগিবও পাৰে, কিন্তু ই স্বেচ্ছাচাৰী নেকি, সংবিধানৰ মৌলিক গাঁথনি উলংঘা কৰিছেনে? কেশৱনন্দ ভাৰতী গোচৰৰ ওপৰত প্ৰাক্তন ছলিচিটৰ জেনেৰেল অন্ধ্যাৰুজিনাৰ এখন কিতাপ আছে, সেই কিতাপখন পঢ়াৰ পিছত মোৰ মতে সংবিধানৰ মৌলিক গাঁথনিৰ নীতিৰ ওপৰত বিতৰ্কৰ আইনী ভিত্তি আছে। ইয়াতকৈ বেছি একো নকওঁ।‘
