২৭ মে’ তাৰিখে গিৰিজানন্দ চৌধুৰী বিশ্ববিদ্যালয়ৰ ইংৰাজী আৰু বৈদেশিক ভাষা বিভাগৰ উদ্যোগত আৰু তিনিচুকীয়াৰ ডুমডুমা মহাবিদ্যালয়, মিৰ্জাৰ দক্ষিণ কামৰূপ বালিকা মহাবিদ্যালয়, ছিপাঝাৰ মহাবিদ্যালয়, দৰং, ৰঙিয়া মহাবিদ্যালয়, ৰঙিয়া, দিছপুৰ মহাবিদ্যালয়, গুৱাহাটী, ছয়গাঁও মহাবিদ্যালয়, ছয়গাঁও, স্বহীদ পিয়লি ফুকন কলেজ, নামতি, সোণাপুৰ মহাবিদ্যালয়, সোণাপুৰ, ডিগবৈ মহিলা মহাবিদ্যালয়, ডিগবৈ, আৰ্য্য বিদ্যাপীঠ মহাবিদ্যালয়, গুৱাহাটী, বি.বৰুৱা মহাবিদ্যালয়, গুৱাহাটী, পূব বংশৰ মহাবিদ্যালয়, শিঙিমাৰী, উত্তৰ গুৱাহাটী মহাবিদ্যালয়, গুৱাহাটী, খাৰুপেটীয়া মহাবিদ্যালয়, দৰং, বি এইচ মহাবিদ্যালয়, হাউলী, বৰপেটা বালিকা মহাবিদ্যালয়, বৰপেটা, তেজপুৰ মহাবিদ্যালয়, তেজপুৰ আৰু নবজ্যোতি মহাবিদ্যালয়, কলগাছিয়াৰ সহযোগত ভাষা, সংস্কৃতি, আৰু পৰিচয়ৰ সংযোগস্থলৰ আন্তৰ্জাতিক আলোচনা চক্ৰৰ আয়োজন কৰা হয়।
জৰ্দানৰ মাফৰাক চহৰৰ আল আলবায়ট বিশ্ববিদ্যালয় স্পেনিছ ভাষা আৰু অনুবাদ বিভাগৰ অধ্যাপক আদনান আল- কাৰ্গহুড, বাংলাদেশৰ খুলনা চহৰৰ চৰকাৰী ব্ৰজালাল কলেজৰ অধ্যক্ষ তথা ইংৰাজী বিভাগৰ অধ্যাপক, অধ্যাপক শ্বৰীফ আতিকুজ্জামানক এই আলোচনা চক্ৰত সমল ব্যক্তি হিচাপে উপস্থিত থাকে।
দুয়োজন সমল ব্যক্তিয়ে ভাষা, সংস্কৃতি, আৰু পৰিচয় বিষয়কলৈ অংশগ্ৰহণকাৰীসকলৰ মাজত অবতাৰণা হোৱা বিভিন্ন প্ৰশ্নৰ উত্তৰ প্ৰদান কৰি অনুষ্ঠানটোৰ সফল ৰূপ দিয়ে।
ইয়াৰ উপৰিও অসমৰ ২০ খন কলেজ আৰু বিশ্ববিদ্যালয়ৰ পৰা প্ৰায় সত্তৰ জন অংশগ্ৰহণকাৰী এই সন্মিলনত উপস্থিত থাকে।
আলোচনা চক্ৰৰ আৰম্ভণিতে এছ এছ এ ছ’চাইটিৰ সভাপতি শ্ৰীযুত যশোদা ৰঞ্জন দাস ডাঙৰীয়াই আদৰণি ভাষণ প্ৰদান কৰে। উদ্বোধনী অধিৱেশনত গ্ৰন্থ উন্মোচনৰ অনুষ্ঠানো অনুষ্ঠিত হয়। ২০২৪ চনৰ ২২-২৩ জানুৱাৰীত আয়োজিত আন্তঃৰাষ্ট্ৰীয় সন্মিলনত উপস্থাপন কৰা গৱেষণা পত্ৰৰ সংকলন. ” বৰ্ডাৰচ এণ্ড বাউন্ডেৰীচ : ইন্ডিজেনাছ কালচাৰ নাও এণ্ড ডেন ” উন্মোচন কৰে বিশ্ববিদ্যালয়খনৰ সন্মানীয় আচাৰ্য অধ্যাপক ডঃ জয়ন্ত ডেকা, উপাচাৰ্য অধ্যাপক ড. কন্দৰ্প দাস, নিমন্ত্ৰিত অতিথি আৰু অংশগ্ৰহণকাৰীসকলে। গ্ৰন্থখনৰ সম্পাদনা কৰে ডঃ নীলাক্ষী গোস্বামী, ডঃ জুপিতৰা বড়ো, প্ৰীতি শৰ্মা, আৰু মানসী দেৱীয়ে । এই আলোচনা চক্ৰখনে মত বিনিময়, আলোচনাৰ প্ৰসাৰ আৰু সতেজ দৃষ্টিভংগীৰ উত্থানৰ মঞ্চ হিচাপে কাম কৰাৰ লগতে বৌদ্ধিক বিনিময় আৰু সহযোগিতাৰ পৰিৱেশ গঢ়ি তোলাৰ ক্ষেত্ৰত বিশেষ ভূমিকা লৈছে।
