ৰাজ্যত এগৰাকী আৰক্ষী অধীক্ষক পৰ্যায়ৰ বিষয়াকে ধৰি ৩০গৰাকী আৰক্ষীৰ কোভিড-১৯পজিটিভ

এগৰাকী আৰক্ষী অধীক্ষক পৰ্য্যায়ৰ বিষয়া আৰু আন ৩০ গৰাকী আৰক্ষীৰ লোকৰ দেহত কোভিড-১৯ পজিটিভ ধৰা পৰিছে।

কিন্তু তেওঁলোকৰ স্বাস্থ্য বৰ্তমান ভাল। আইন-শৃংখলা শাখাৰ অতিৰিক্ত আৰক্ষী সঞ্চালক জি পি সিঙে টুইটাৰযোগে জনাইছে এই কথা।

অতি সোনকালে আৰক্ষী বিষয়া কেইগৰাকী সুস্থ হৈ উঠিব বুলি আশা প্ৰকাশ কৰিছে জি পি সিঙে।

A SP rank officer of @assampolice and 30 other ranks have tested Covid positive. They are all in good health. We wish them an early and full recovery. We rededicate ourselves to the service of the people of Assam. @DGPAssamPolice @CMOfficeAssam @himantabiswa

— GP Singh (@gpsinghassam) June 27, 2020

অসমত এতিয়ালৈকে ৭১৬৫ গৰাকী লোক কৰ’নাত আক্রান্ত হৈছে।

ইয়াৰ বিপৰীতে ৪৮১৪ গৰাকী লোক কৰ’না মুক্ত হৈছে। শনিবাৰৰ দিনটোতে ৫৪৭ গৰাকী লোক কৰ’নামুক্ত হৈছে।

বৰ্তমানলৈকে ১০ গৰাকী লোকে অসমত কৰ’নাত আক্ৰান্ত হৈ মৃত্যুক আঁকোৱালি লৈছে।

ইপিনে, কোন আৰক্ষী অধীক্ষক বা আন পৰ্যায়ৰ আৰক্ষীৰ লোক আক্ৰান্ত হৈছে সেয়া জানিব পৰা হোৱা নাই।

আনহাতে. গুৱাহাটী মহানগৰীত ভয়ংকৰ ৰূপত বৃদ্ধি পাইছে সামাজিক (গণ) সংক্ৰমণ। যাৰ বাবে অহা সোমবাৰৰ পৰা ১৪ দিনৰ বাবে সমগ্ৰ কামৰূপ মেট্ৰোত লকডাউন ঘোষণা কৰা হৈছে ।

সেইদৰে, ৰাজ্যৰ অন্য টাউন এলেকাত প্ৰত্যেক সপ্তাহৰ শনিবাৰ-দেওবাৰে সম্পূৰ্ণ লকডাউন ঘোষণা কৰা হৈছে ।

তদুপৰি, সমগ্ৰ ৰাজ্যত সন্ধ্যা ৭ বজাৰ পৰা পুৱা ৭ বজালৈকে জাৰি কৰা হৈছে সান্ধ্য আইন।