অনন্ত আম্বানী আৰু ৰাধিকা মাৰ্চেণ্টৰ গ্ৰেণ্ড ক্ৰুজ পাৰ্টিৰ নতুন ছবি ইণ্টাৰনেটত প্ৰকাশ পাইছে। ২৯ মে’ৰ পৰা ইটালীত আৰম্ভ হোৱা আৰু ১ জুনত ফ্ৰান্সত সমাপ্ত হোৱা এই ক্ৰুজত এইটোৱেই আছিল দম্পতীহালৰ দ্বিতীয়টো প্ৰি-ৱেডিং অনুষ্ঠান।
পাৰ্টিৰ সময়ত হোৱা এটা অনুষ্ঠানৰ বাবে ৰাধিকাই তামাৰা ৰালফৰ হাউট ক্যুট্যুৰ গাউন পিন্ধি বক্তব্য আগবঢ়ায়। ৰাধিকাৰ পিন্ধনত আছিল অফ-শ্বোল্ডাৰ বগা ডাবল চেটিন ড্ৰেপড এনচেম্বলত এটা অভাৰস্কাৰ্ট,য’ত বগা গোলাপ আৰু এনক্ৰাষ্টেড গোলাপে শোভাবৰ্ধন কৰিছিল।মুকলি হোৱা ফটোসমূহত সূক্ষ্ম মেকআপৰ সহায়ত তেওঁৰ মুখখন জিলিকি উঠিছিল৷এই পোচাকযোৰৰ ষ্টাইলিষ্ট আছিল ৰিয়া কাপুৰ৷
আনহাতে অনন্তই পিন্ধিছিল ক’লা এম্ব্ৰয়ডাৰী বন্ধা জেকেট আৰু পেণ্ট।
অনন্ত আম্বানী আৰু ৰাধিকা মাৰ্চেণ্টৰ ক্ৰুজ পাৰ্টিৰ পূৰ্বে জামনগৰত ২৮ ফেব্ৰুৱাৰীৰ পৰা ‘অন্ন সেৱা’ৰে আৰম্ভ হোৱা বিশদ প্ৰি-ৱেডিং অনুষ্ঠিত হয় আৰু তাৰ পাছত ১-৩ মাৰ্চৰ পৰা বন্ধু-বান্ধৱ আৰু পৰিয়ালৰ সৈতে তিনিদিনীয়া উদযাপন অনুষ্ঠিত হয়। জামনগৰৰ ৰিলায়েন্স টাউনশ্বিপত ৰিলায়েন্সৰ এক ৰাতিৰ আহাৰ গ্ৰহণ অনুষ্ঠানো হয়। জামনগৰত উদ্যাপনৰ বাবে আমন্ত্ৰণ জনোৱা হৈছিল চেলিব্ৰিটি, ক্ৰীড়াবিদ আৰু উদ্যোগপতিকে ধৰি ১০০০ অতিথিক।
অহা ১২ জুলাইত মুম্বাইৰ জিঅ’ ৱৰ্ল্ড কনভেনশ্যন চেণ্টাৰত বিবাহপাশত আবদ্ধ হ’ব অনন্ত আম্বানী আৰু ৰাধিকা মাৰ্চেণ্ট। তিনিদিনীয়া এই বিয়াখনত তিনিটা অনুষ্ঠান অনুষ্ঠিত হ’ব – ‘শুভ বিবাহ’ৰ পাছত ১৩ জুলাইত ‘শুভ আশীৰ্বাদ’ আৰু ১৪ জুলাইত ‘মংগল উৎসৱ’ বা বিয়াৰ অভ্যৰ্থনা।
উল্লেখ্য যে অনন্ত আম্বানী মুকেশ আৰু নীতা আম্বানীৰ কনিষ্ঠ পুত্ৰ। তেওঁ ৰিলায়েন্স ইণ্ডাষ্ট্ৰীজ, জিঅ’ প্লেটফৰ্ম, ৰিলায়েন্স ৰিটেইল ভেঞ্চাৰ, ৰিলায়েন্স নিউ এনাৰ্জি, আৰু ৰিলায়েন্স নিউ ছ’লাৰ এনাৰ্জীৰ ব’ৰ্ডত সঞ্চালক হিচাপে কাৰ্যনিৰ্বাহ কৰি আছে৷
