আকৌ দুৰ্ঘটনাত পতিত হৈছে কুম্ভমেলাৰ পৰা উভতি অহা তীৰ্থযাত্ৰীৰ বাছ।
জানিব পৰা মতে, এই ভয়াবহ দুৰ্ঘটনাত কমেও ১০জন তীৰ্থযাত্ৰীৰ মৃত্যু হৈছে। লগতে আহত হৈছে কমেও ২০গৰাকী যাত্ৰী।
আহত যাত্ৰীসকলৰ কেইবাজনৰো অৱস্থা সংকটজন। গতিকে মৃতকৰ সংখ্যা আৰু বৃদ্ধি পাব পাৰে বুলি আশংকা কৰা হৈছে।
শুকুৰবাৰে গভীৰ নিশা মিৰ্জাপুৰ-প্ৰয়াগৰাজ ৰাষ্ট্ৰীয় ঘাইপথত সংঘটিত হয় এই ভয়ংকৰ দুৰ্ঘটনা।
উত্তৰ প্ৰদেশৰ মুখ্যমন্ত্ৰী যোগী আদিত্যনাথে দুৰ্ঘটনাত মৃত্যু হোৱা লোকসকলৰ পৰিয়াললৈ সমবেদনা জ্ঞাপন কৰি আহতসকলৰ শীঘ্ৰে চিকিৎসাৰ নিৰ্দেশ দিয়ে। তেওঁ স্পষ্টভাৱে উল্লেখ কৰে যে আহতসকলৰ চিকিৎসাৰ বাবে উপযুক্ত পদক্ষেপ লোৱা হ’ব।
জানিব পৰা মতে, প্ৰয়াগৰাজৰ পৰা মধ্যপ্ৰদেশৰ ৰাজগড় অভিমুখে গৈ আছিল তীৰ্থযাত্ৰী কঢ়িয়াই অনা বাছখন। আনহাতে আন এখন চাৰিচকীয়া বাহনত প্ৰয়াগৰাজৰ দিশে গৈ আছিল এদল তীৰ্থযাত্ৰী। মিৰ্জাপুৰ-প্ৰয়াগৰাজ ৰাষ্ট্ৰীয় ঘাইপথত দুয়োখন বাহনৰ মুখামুখি সংঘৰ্ষ।
