শেহতীয়াকৈ ৰিমা দাসৰ ছবি ‘ভিলেজ ৰকষ্টাৰ্ছ’এ অস্কাৰৰ বাবে মনোনীত হোৱাৰ সময়তে আন এগৰাকী অসম সন্তানে অসমবাসীলৈ কঢ়িয়াই আনিছে আন এক সুখবৰ। এইবাৰ শিল্পী তথা অসম সন্তান অনুৰাগ শইকীয়াৰ নাম ২০১৮ বৰ্ষৰ ফিল্ম ফেয়াৰ এৱাৰ্ডৰ বাবে মনোনীত হৈছে।
উল্লেখযোগ্য যে মাৰাঠী ভাষাৰ ‘মানঝা’ নামৰ ছবিখনৰ Best Background Score শিতানলৈ মনোনীত হৈছে অনুৰাগ শইকীয়াৰ নাম। সংগীত শিল্পী গৰাকীক এই বঁটা প্ৰদান কৰা হ’ব ২৭ ছেপ্টেম্বৰত।
মন কৰিব লগীয়া যে ২০১০ চনত কটন কলেজত অধ্যয়ন কৰা সময়তে ‘টোপটোপ’ নামৰ এটি এলবামৰ জৰিয়তে সংগীত জগতত প্ৰথমবাৰৰ বাবে খোজ পেলোৱা অনুৰাগে তেতিয়াৰ পৰা আৰু পিছলৈ উভতি চোৱা নাই।
ৰাজত কমল বঁটা প্ৰাপ্ত অনুৰাগে বলীউডতো কেইবাখনো ছবিত সংগীত পৰিচালনা কৰি নিজৰ এক সুকীয়া পৰিচয় গঢ়ি তুলিবলৈ সক্ষম হৈছে।
