সম্প্ৰতি দক্ষিণ এচিয়াৰ ৰাজনৈতিক পৰিস্থিতিত উদ্বেগজনক হৈ পৰিছে। বাংলাদেশৰ চুবুৰীয়া দেশ ম্যানমাৰৰ বিদ্ৰোহী সংগঠন অৰাকান সেনাই (Arakan Army) বাংলাদেশৰ ভূমি বিভাজনৰ ভয়ংকৰ পৰিকল্পনা কৰা বুলি স্থানীয় সংবাদপত্ৰ ‘নয়া দিগন্ত’ই এক চাঞ্চল্যকৰ সংবাদ প্ৰকাশ কৰিছে।
সূত্ৰ অনুসৰি, আৰাকান সেনাই ৰাখাইন ৰাজ্যৰ পৰা বাংলাদেশৰ পাহাৰীয়া জনজাতি অঞ্চলসমূহলৈ নিজৰ প্ৰভাৱ বিস্তাৰ কৰিবলৈ এক গুপ্ত অভিযান চলাই আছে। এই পৰিকল্পনাৰ অংশ হিচাপে জনজাতীয় যুৱক-যুৱতীসকলক অস্ত্ৰ-শস্ত্ৰৰ প্ৰশিক্ষণ দিয়া হৈছে। সংগঠনটোৱে তেওঁলোকক পৃথক জাতীয় মতাদৰ্শৰে উদ্বুদ্ধ কৰি তুলিছে।
প্ৰতিবেদন অনুসৰি, ম্যানমাৰৰ ৰাখাইন ৰাজ্যৰ কিছু অংশ আৰু বাংলাদেশৰ দক্ষিণ-পূবৰ অঞ্চল (বিশেষকৈ বান্দৰবন আৰু কক্সবাজাৰ) একত্ৰিত কৰি “স্বতন্ত্ৰ প্ৰদেশ” গঠন কৰাৰ লক্ষ্য থিৰ কৰিছে আৰাকান সেনাই। এই উদ্দেশ্যে সংগঠনটোৱে বৰ্তমান বাংলাদেশ সীমান্ত সংলগ্ন এলেকাত নিজৰ উপস্থিতি বৃদ্ধি কৰিছে।
অৰাকান সেনাৰ সংগঠনটো বৰ্তমান প্ৰায় ৪৫ হাজাৰ যোদ্ধা বিমান আছে। সংগঠনটোৱে সীমান্ত সংলগ্ন এলেকাত একাধিক গোপন শিবিৰ স্থাপন কৰিছে আৰু স্থানীয় জনজাতিসকলক নিজৰ সুৰক্ষাৰ বাহিনীৰ ৰূপত পৰিণত কৰিবলৈ চেষ্টা কৰি আহিছে।
ৰাখাইন হৈছে ম্যানমাৰৰ বৌদ্ধ সংখ্যাগৰিষ্ঠ অঞ্চল। আৰু এই অঞ্চলটোত আৰাকান সেনাই দীৰ্ঘদিন ধৰি স্বতন্ত্ৰ ৰাজ্য গঠনৰ দাবীত যুঁজ দি আহিছে। ২০১৭ চনত এই সংগঠন আৰু ৰোহিংগীয়াৰ মাজত তীব্ৰ সংঘৰ্ষৰ ফলত প্ৰায় ৭ লাখ ৰোহিংগীয়াই ঘৰ-বাৰী এৰি বাংলাদেশলৈ পলায়ন কৰিছিল।
নয়া দিগন্তৰ প্ৰতিবেদন মতে, আৰাকান সেনাই বাংলাদেশত নিজৰ প্ৰভাৱ বিস্তাৰ কৰিবলৈ ভিতি প্ৰদৰ্শনৰ আশ্ৰয় লৈছে। ইয়াৰো পৰি সংগঠনটোৱে মুছলমানবিৰোধী প্ৰচাৰৰ জৰিয়তে স্থানীয় জনজাতিসকলক আকৰ্ষণ কৰিবলৈ চেষ্টা কৰিছে।
আন হাতে সংগঠনটোৱে নিজৰ আৰ্থিক উৎস শক্তিশালী কৰাৰ বাবে সীমান্তৰ সিপাৰ চোৰাং ড্ৰাগছ ব্যৱসায় চলাই আছে বুলি অভিযোগ উঠিছে। বৰ্তমান ম্যানমাৰৰ প্ৰায় ২৭১ কিলোমিটাৰ ভূখণ্ড আৰাকান সেনাৰ নিয়ন্ত্ৰণত আছে বুলি সংবাদমাধ্যমটোৱে দাবী কৰিছে। বিশ্লেষকসকলে মতে, এই পৰিকল্পনা যদি ৰূপায়ন হয়, তেন্তে দক্ষিণ-পূব এচিয়াত এটা নতুন ভূ-ৰাজনৈতিক সংকটৰ সৃষ্টি হ’ব পাৰে। বাংলাদেশ চৰকাৰে এই সন্দৰ্ভত এতিয়ালৈকে কোনো মন্তব্য প্ৰকাশ কৰা নাই।
