গৃহ কন্দলত জৰ্জৰিত অসম গণ পৰিষদে প্ৰথম পৰ্যায়ৰ নিৰ্বাচনৰ বাবে প্ৰকাশ কৰিছে প্ৰথমখন প্ৰাৰ্থীৰ তালিকা।
দেওবাৰে প্ৰকাশ কৰা তালিকা অনুসৰি দলটোৱে প্ৰত্যাশিতভাৱে তেজপুৰত বৃন্দাবন গোস্বামীক বঞ্চিত কৰি প্ৰাৰ্থীত্ব প্ৰদান কৰিছে পৃথিৰাজ ৰাভাক। উল্লেখ্য যে পৃথিৰাজ ৰাভা হৈছে বিপ্লৱা বিষ্ণু ৰাভা প্ৰসাদ ৰাভাৰ পুত্ৰ।
অসম গণ পৰিষদৰ প্ৰথম পৰ্যায়ৰ ৮ টা সমষ্টিৰ প্ৰাৰ্থী তালিকা প্ৰকাশ পোৱা অনুসৰি বোকাখাতত সভাপতি তথা মন্ত্ৰী অতুল বৰা, কলিয়াবৰত কাৰ্যকৰী সভাপতি তথা মন্ত্ৰী কেশৱ মহন্ত প্ৰতিদ্বন্দ্বিতা কৰিব।
ইফালে টীয়ক ৰেণুপমা ৰাজখোৱা, আমগুৰি প্ৰদীপ হাজৰিকা, চাবুৱা পোনাকণ বৰুৱা, নাওবৈছা জয়ন্ত খাউণ্ডে প্ৰাৰ্থীত্ব লাভ কৰিছে।
উল্লেখ্য যে দেওবাৰে অৰ্থাৎ আজি অগপত যোগদান কৰিছিল পৃথ্বিৰাজে ৰাভাই।