ৰাজ্যত আজি পাৰ হৈ যোৱা প্ৰলয়ংকাৰী ধুমুহাই ব্যাপক ক্ষতিসাধন কৰাৰ পৰিপ্ৰেক্ষিতত তৎকালে ক্ষয়-ক্ষতিৰ বুজ লৈ যথোপযুক্ত ব্যৱস্থা গ্ৰহণ কৰাৰ বাবে জিলা প্ৰশাসনসমূহক নিৰ্দেশ দিছে মুখ্য মন্ত্ৰী সৰ্বানন্দ সোণোৱালে।
এই ক্ষেত্ৰত জিলা উপাযুক্তসকলক চৰজমিন পৰ্যবেক্ষণৰ জৰিয়তে ক্ষতিগ্ৰস্ত এলেকা আৰু পৰিয়ালসমূহ চিনাক্ত কৰি তাৎক্ষণিকভাৱে তেওঁলোকক সকাহ দিব পৰাকৈ পদক্ষেপ গ্ৰহণ কৰিবলৈ মুখ্য মন্ত্ৰী সোণোৱালে কয়।
তদুপৰি, দুৰ্যোগ ব্যৱস্থাপনা বিভাগৰ অধীনত প্ৰয়োজনীয় পদক্ষেপ গ্ৰহণ কৰিব পৰাত সহায়ক হোৱাকৈ উপায়ুক্তসকলক ক্ষতিগ্ৰস্ত অঞ্চল তথা পৰিয়ালসমূহৰ বিতং প্ৰতিবেদন চৰকাৰৰ হাতত জমা দিবলৈ উপায়ুক্তসকলক নিৰ্দেশ দিছে।
