অসমৰ মুখ্য মন্ত্ৰী সৰ্বানন্দ সোণোৱালক স্বতন্ত্ৰতা সেনানী দলবীৰ সিং লোহাৰ এক্সিলেঞ্চ এৱাৰ্ড প্ৰদান কৰা হৈছে। আজি ৯ ডিচেম্বৰ বুধবাৰে ডিগবৈত অনুষ্ঠিত নৰ্থ ইষ্ট গোৰ্খা ফেষ্টিভেল-২০১৯ত সোণোৱালক এই বঁটা প্ৰদান কৰিছে।
তিনিচুকীয়া জিলাৰ ডিগবৈৰ অন্তৰ্গত গোলাইত এই মহোৎসৱ অনুষ্ঠিত কৰা হৈছে। এই গোৰ্খা মহোৎসৱৰ আয়োজন কৰিছে সদৌ অসম গোৰ্খা ছাত্ৰ সন্থাই।
নৰ্থ ইষ্ট গোৰ্খা ফেষ্টিভেল-২০১৯ লৈ সমৰ্থন আগবঢ়াইছে আগবঢ়াইছে অসম গোৰ্খা সন্মিলন, অসম নেপালী সাহিত্য সভা আৰু ভাৰতীয় যুৱ গোৰ্খা পৰিসংঘ, অসমে।
মুখ্য মন্ত্ৰী সোণোৱালে মহোৎসৱত উপস্থিত থকা গোৰ্খা সম্প্ৰদায়ৰ লোকসকলক আশ্বাস প্ৰদান কৰে যে অসমত বাস কৰা গোৰ্খা সম্প্ৰদায়ৰ বিকাশ সাধন কৰাৰ বাবে তেওঁৰ চৰকাৰে সমস্ত কৰণীয়খিনি কৰিব। উল্লেখ্য যে, গোৰ্খা সম্প্ৰদায়টো হৈছে ১৬ শতিকাৰ পৰা অসমত বাস কৰা অতি প্ৰাচীন নেপালী-ভাষী সম্প্ৰদায়।