অসমত ক’ৰ’নাৰ সংক্ৰমণৰ ফলত মৃত্যু হোৱা লোকৰ সংখ্যা ক্ৰমান্বয়ে বৃদ্ধি পাবলৈ ধৰিছে।
আজি ৰাজ্যত পুনৰ ৮ গৰাকী ক’ৰ’না আক্ৰান্তৰ বিভিন্ন চিকিৎসালয়ত মৃত্যু হয়।
আজি মৃত্যু হোৱা আঠ গৰাকী লোক হৈছে ক্ৰমে- কামৰূপ মহানগৰ জিলাৰ উশা দাস (৭০), অৰ্পনা ৰয় (৪৮), নয়না দাস (২১), নলবাৰীৰ লাবণ্য ভূঞা (৬৫), বাগছাৰ মছফিল হুছেইন(৫৫), কাৰ্বি আংলঙৰ অজয় কুমাৰ গুপ্তা(৪০), গোলাঘাটৰ জাণ্টু দেৱ(৪৬) আৰু মাজুলীৰ বিষ্ণু বিশ্বাস(৫৫)।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰযোগে এই কথা প্ৰকাশ কৰি মৃত্যু হোৱা ব্যক্তিসকলৰ পৰিয়াল বৰ্গলৈ সমবেদনা জ্ঞাপন কৰে।
আজি মৃত্যু আঠগৰাকী লোকৰ সৈতে অসমত বৰ্তমানলৈ ক’ৰ’নাৰ সংক্ৰমণৰ ফলত মৃত্যু হোৱা লোকৰ সংখ্যা ২৬০ গৰাকীলৈ বৃদ্ধি পালে।
সোমবাৰৰ দিনটোত ৰাজ্যৰ বিভিন্ন চিকিৎসালয়ত ১০ গৰাকী ক’ৰ’না আক্ৰান্তই প্ৰাণ হেৰুৱাইছিল।