আজি অসম জাতীয় পৰিষদৰ ভাতৃ সংগঠন ‘জাতীয় শ্ৰমিক শক্তি’ৰ এটি সজাতি দলে জাগিৰোডত অৱস্থিত নগাঁও কাগজ কল য়ুনিয়নৰ বিষয়ববীয়াৰ লগত শেহতীয়া কাগজ কলৰ বিভিন্ন দিশ সম্পৰ্কে এক আলোচনাত মিলিত হয়।
এই আলোচনাত জাতীয় শ্ৰমিক শক্তিয়ে ২০ জানুৱাৰিত অনুষ্ঠিত হ’বলগীয়া কাগজ কলৰ সন্মুখত হ’বলগীয়া অৱস্থান ধৰ্মঘটত অংশগ্ৰহণ কৰি ভাৰতৰ ৰাষ্ট্ৰপতি আৰু ভাৰতৰ প্ৰধান মন্ত্ৰীলৈ এখন স্মাৰকপত্ৰ দিয়াৰ সিদ্ধান্ত গ্ৰহণ কৰা হয়।
অসম চৰকাৰে ২০২১ চনত হ’বলগীয়া বিধান সভা নিৰ্বাচনৰ আগত যদিহে এই কাগজ কল খোলাৰ ব্যৱস্থা গ্ৰহণ নকৰে তেতিয়া হ’লে জাতীয় শ্ৰমিক শক্তিয়ে আগন্তুক নিৰ্বাচনৰ দিন কেইটাত আমৰণ অনশন গ্ৰহণ কৰাৰো সিদ্ধান্ত গ্ৰহণ কৰে।
আজিৰ এই সজাতি দলটিত অসম জাতীয় পৰিষদৰ উপ-সভাপতি ইজৰাইল নন্দ, অসম জাতীয় পৰিষদৰ মুখপাত্ৰ অমিতাভ বৰঠাকুৰ, মৰিগাঁও জিলাৰ অসম জাতীয় পৰিষদৰ মুখ্য আহ্বায়ক জীতেন ডেকা, শ্ৰমিক শক্তিৰ সমন্বয়ক আমিৰ হুছেইন আৰু শৈলেন দাস উপস্থিত থাকে।
