দেশৰ সাধাৰণ নিৰ্বাচনৰ বৃহস্পতিবাৰে ঘোষণা হোৱা ফলাফলত অসমৰ অন্যতম গুৰুত্বপূৰ্ণ লোকসভা সমষ্টি যোৰহাটত বিজেপিৰ তপন কুমাৰ গগৈ জয়ী হৈ সমষ্টিটোৰ নতুন সাংসদ হিচাপে নিৰ্বাচিত হয়। কালি তপন গগৈৰ বিজয় এক প্ৰকাৰ নিশ্চিত হোৱাত আবেলিৰ পৰাই সোণাৰীত তেওঁৰ সমৰ্থকসকলে ‘আকৌ এবাৰ মোডী চৰকাৰ’ গীতটোৰ তালে তালে নাচি আনন্দত আত্মহাৰা হৈ পৰে।
তপন গগৈয়ে কংগ্ৰেছৰ প্ৰাৰ্থী সুশান্ত বৰগোহাঁইক ৮২৬৫৩ টা ভোটত পৰাস্ত কৰে। তেওঁ ৫,৪৩২৮৮ টা ভোট পোৱাৰ বিপৰীতে সুশান্ত বৰগোহাঁইয়ে লাভ কৰে ৪,৬০৬৩৫ টা ভোট।
উল্লেখযোগ্য যে কংগ্ৰেছৰ দূৰ্গ হিচাপে খ্যাত যোৰহাট লোকসভা সমষ্টিটো একেৰাহে ৫ বাৰ প্ৰাক্তন সাংসদ বিজয় কৃষ্ণ সন্দিকৈৰ দখলত আছিল যদিও ২০১৪ চনত প্ৰথমবাৰৰ বাবে বিজেপিৰ কামাখ্যা প্ৰসাদ তাচা জয়ী হৈছিল।
লোকসভা সমষ্টিটোৰ অন্তৰ্গত শিৱসাগৰ বিধান সভা সমষ্টিত কংগ্ৰেছে বিজেপিতকৈ অধিক ভোট লাভ কৰে। সমষ্টিটোত কংগ্ৰেছে ৫৬,৩১৮টা ভোট পোৱাৰ বিপৰীতে বিজেপিয়ে পায় ৫৫,৬৫৯টা ভোট। ইপিনে থাওৰাত কংগ্ৰেছে ৪১,০৯৩ টা ভোট লাভ কৰাৰ বিপৰীতে বিজেপিয়ে লাভ কৰে ৪৩,৭৩৮টা ভোট।
আমগুৰি সমষ্টিতত কংগ্ৰেছে ৩৭,১১০টা ভোট পোৱাৰ বিপৰীতে বিজেপিয়ে ৫০,০০১টা ভোট লাভ কৰিবলৈ সক্ষম হয়।নাজিৰাত বিজেপিয়ে ৪৭,৩৫০টা আৰু কংগ্ৰেছে ৪৫,৫২৯টা ভোট পায়। একেদৰে মাহমৰাটো বিজেপি অধিক ভোট পায়, ৫১,৩৪১টা ভোট বিজেপিয় পোৱাৰ বিপৰীতে কংগ্ৰেছে লাভ কৰে ৪২,৫১১টা ভোট।
আনহাতে তপন গগৈৰ নিজা সমষ্টি সোণাৰীত বিজেপিয়ে ৭৮,০৫৭টা ভোট লাভ কৰাৰ বিপৰীতে কংগ্ৰেছে ৪৪,৮৫১টা ভোট লাভ কৰে। ইয়াৰ উপৰি যোৰহাট, টিয়ক আৰু মৰিয়নি বিধানসভা সমষ্টি কেইটাত বিজেপিয়ে কংগ্ৰছতকৈ ক্ৰমে ১১৬৭, ৬৫০৪ আৰু ১৩,০৮৭ টা ভোট বেছিকৈ লাভ কৰে। অৱশ্যে তিতাবৰত কংগ্ৰেছে বিজেপিতকৈ ১৩,১০৮ টা ভোট বেছিকৈ লাভ কৰিবলৈ সক্ষম হয়।