কাচাৰ জিলাৰ লখিপুৰত আৰক্ষী আৰু সেনা বাহিনীৰ এখ যুটীয়া অভিযানত এজন NSCN (K)-ৰ সদস্যক আটক কৰা হয়।
আৰক্ষীৰ এক সূত্ৰই জনোৱা মতে অঞ্চলটোত বিদ্ৰোহী গোটৰ সদস্যৰ উপস্থিতিৰ বিষয়ে গোপন সূত্ৰৰ পৰা লাভ কৰা খবৰৰ ভিত্তিত মঙলবাৰে লখিপুৰ আৰক্ষী আৰু অসম ৰাইফলছে জিৰিঘাটৰ নামদাইলং গাঁৱত এক যুটীয়া অভিযান চলাই NSCN (K)-ৰ উক্ত কেডাৰজনক আটক কৰে।
আটকাধীন কেডাৰজনক মণিপুৰৰ টামেংলং জিলাৰ বাসিন্দা নামবাইপৌ (২৯) বুলি চিনাক্ত কৰা হৈছে। তেওঁ সংগঠনটোৰ ‘কৰপৰেল’ ৰেংকৰ কেডাৰ বুলি আৰক্ষীৰ সূত্ৰত প্ৰকাশ।
NSCN (K)-ত যোগদান কৰাৰ পূৰ্বে ২০১৬ চনৰ পৰা ২০১৮ চনলৈ তেওঁ আণ্ডাৰগ্ৰাউণ্ড গোট ZUF গোটৰ সদস্য আছিল বুলি আৰক্ষীৰ আগত স্বীকাৰ কৰে।
বিদ্ৰোহী কেডাৰজনক তেওঁৰ এগৰাকী আত্মীয় ঘৰৰ পৰা আটক কৰা হয় বুলি আৰক্ষীয়ে জনায়।
আৰক্ষীয়ে তেওঁৰ কবলৰ পৰা এটা .২২ এম এম পিষ্টল, এটা মেগাজিন, ৭ ৰাউণ্ড সক্ৰিয় গুলী, এখন চিম কাৰ্ডকে ধৰি বিভিন্ন সামগ্ৰী জব্দ কৰে।
