অসমত ধৰা পৰিল আৰু এজন কোভিড-১৯ পজিটিভ ৰোগী; আক্ৰান্তৰ সংখ্যা ৩১জনলৈ বৃদ্ধি

অসমত আন এগৰাকী কোভিড-১৯ পজিটিভ ৰোগীৰ ঘটনা পোহৰলৈ আহিছে। ইয়াৰে সৈতে ৰাজ্যত কোভিড-১৯ আক্ৰান্তৰ সংখ্যা ৩১জনলৈ বৃদ্ধি পালে।

শেহতীয়া কোভিড-১৯ পজিটিভ ৰোগীজন চিনাক্ত হৈছে গোৱালপাৰা জিলাত।

এই বাতৰি নিশ্চিত কৰি ৰাজ্যখনৰ স্বাস্থ্য মন্ত্ৰী হিমন্ত বিশ্ব শৰ্মাই কয় যে আক্ৰান্ত লোকজন দিল্লীৰ নিজামুদ্দিন মাৰ্কাজ ভ্ৰমণ কৰা লোকৰ সৈতে সম্পৰ্কত আহিছিল।

মন্ত্ৰীগৰাকীয়ে জানিবলৈ দিয়ে গোৱালপাৰাৰ লোকজন নিজামুদ্দিন মাৰ্কাজৰ ঘটনাত জড়িত থকা লোকৰ সংস্পৰ্শলৈ আহিছিল।

Alert ~ A person from Goalpara, and secondary contact of people associated with #NizamuddinMarkaz, has been confirmed as #COVID19 positive. The total number of #Covid patients in #Assam now stands at 31.

Update at 11.55 pm / April 13 #AssamCovidCount

— Himanta Biswa Sarma (@himantabiswa) April 13, 2020

ইয়াৰ পূৰ্বে গোৱালপাৰা জিলাৰ তিনিজন লোকৰ কোভিড-১৯ পজিটিভ ধৰা পৰিছিল। যোৱা ২ এপ্ৰিলত মন্ত্ৰী হিমন্ত বিশ্ব শৰ্মাই উক্ত তিনিজন কোভিড-১৯ পজিটিভ ৰোগীৰ ঘটনা সদৰী কৰিছিল।

আনহাতে সোমবাৰেই আন এজন কোভিড-১৯ পজিটিভ ৰোগী ধৰা পৰাৰ কথা  স্বাস্থ্য মন্ত্ৰী হিমন্ত বিশ্ব শৰ্মাই টুইট কৰি সদৰী কৰিছিল।

মন্ত্ৰী গৰাকীয়ে জানিবলৈ দিয়া মতে ধুবুৰীৰ আন এজন ব্যক্তিৰ কোভিড-১৯ পজিটিভ ধৰা পৰিছে। এই লোকজনো নিজামুদ্দিন মাৰ্কাজৰ তবলিগী জামাতৰ সমাৱেশৰ সৈতে সম্পৰ্কিত আছিল।

উল্লেখ্য যে বৰ্তমানলৈ অসমত ক’ৰ’নাত আক্ৰান্ত হোৱা ৩১ জন লোকৰ ভিতৰত ৩০ জনেই দিল্লীৰ নিজামুদ্দিন জামাতৰ সৈতে সম্পৰ্কিত।