পশ্চিমবংগৰ শিলিগুৰিত অনুষ্ঠিত অষ্টম সৰ্বভাৰতীয় আৰক্ষী আৰ্চাৰি চেম্পিয়নশ্বিপত পুৰুষৰ শাখাত অসম ৰাইফলছৰ আৰ্চাৰি দলে বিজয়ীৰ খিতাপ অৰ্জন কৰে।
যোৱা ১৮ৰ পৰা ২৩ নৱেম্বৰলৈ অনুষ্ঠিত হোৱা উক্ত প্ৰতিযোগিতাখনত ভাগ লৈছিল মুঠ ২১টা কেন্দ্ৰীয় সশস্ত্ৰ আৰক্ষী বাহিনী (CAPF) আৰু ৰাজ্যিক আৰক্ষীৰ দলে।
১২ গৰাকী পুৰুষ আৰু ৬ গৰাকী মহিলা সদস্যই অংশগ্ৰহণ কৰা অসম ৰাইফলচৰ আৰ্চাৰি দলটোৱে ইণ্ডিয়ান ৰিকাৰ্ভ আৰু কম্পাউণ্ড শাখাত ভাগ লৈছিল। পুৰুষৰ দলটোৱে মুঠ ৫টা সোণ, ৬টা ৰূপ আৰু ২টা ব্ৰঞ্জৰ পদক লাভ কৰিবলৈ হয়।
তদুপৰি অসম ৰাইফলছৰ দলটোৰ ঝখোন্তো ডেমোয়ে প্ৰতিযোগিতাখনৰ পুৰুষ শাখাৰ শ্ৰেষ্ঠ আৰ্চাৰৰ সন্মান লাভ কৰিবলৈ সক্ষম হয়। তেওঁ ইণ্ডিয়ান ৰাউণ্ডৰ ব্যক্তিগত শাখাত ৩টা সোণ আৰু দলীয় (মিক্সড) শাখাত সপনা কুমাৰীৰ সৈতে লগ লাগি এটা সোণৰ পদক লাভ কৰে।
ইণ্ডিয়ান ৰাউণ্ডৰ দলীয় শাখাত অসম ৰাইফলছৰ পুৰুষৰ দলটোৱে ৰূপ আৰু মহিলাৰ দলটোৱে ব্ৰঞ্জৰ পদক লাভ কৰিবলৈ সক্ষম হয়।