আজিৰে পৰা দেশজুৰি আৰম্ভ হ’ল UNLOCK-1। এই UNLOCK-1 ত কি কি খোলা ৰাখিব বা বন্ধ ৰাখিব এই সম্পৰ্কে ৰাজ্য চৰকাৰসমূহক সিদ্ধান্ত ল’বলৈ কৈছিল কেন্দ্ৰীয় চৰকাৰে।
সেই অনুসৰি ৰাজ্য চৰকাৰৰ দুৰ্যোগ প্ৰসমন বিভাগে এই সন্দৰ্ভত লৈছে সিদ্ধান্ত। তেওঁলোকে লোৱা সিদ্ধান্ত অনুসৰি কি কি খোলা ৰাখিব বা বন্ধ থাকিব সেইসমূহ তলত উল্লেখ কৰা হ’ল।
কাইলৈৰ পৰা খোলা থাকিব বা অনুমতি প্ৰদান কৰা হৈছে
কেৱল চুলি কাটিবৰ বাবে নাপিত আৰু পাৰ্লাৰসমূহ খোলাৰ অনুমতি প্ৰদান ।
সকলোৱে মাস্ক, হেণ্ড গ্লোভছ আৰু সামাজিক দূৰত্ব মনাটো বাধ্যতামূলক।
ৰাজহুৱা স্থানত যোগাসন, প্ৰাতঃভ্ৰমণ আৰু ব্যায়াম কৰাত অনুমতি দিয়া হৈছে। ৰাজহুৱা স্থানত চলচ্চিত্ৰ আৰু ধাৰাবাহিকৰ দৃশ্যগ্ৰহণৰ অনুমতি প্ৰদান কৰা হৈছে।
৮ জুনৰ পৰা কি কি খোলা ৰখাৰ অনুমতি
৮ জুনৰ পৰা ৰাজ্যৰ ধৰ্মীয় তথা উপাসনাস্থলী খোলাৰ অনুমতি প্ৰদান কৰা হৈছে। কিন্তু প্ৰতি ঘণ্টাত এটা স্থানত ২০ জনতকৈ অধিক লোক সমবেত হ’ব নোৱাৰিব।
ইয়াৰোপৰি উক্ত দিনাৰে পৰা হোটেল, ৰেস্তোৰাঁ আৰু শ্বপিং মলসমূহ খুলিব পাৰিব। কিন্তু হোটেলসমূহত মুঠ আসনৰ ৫০ শতাংশ লোকেহে আহাৰ গ্ৰহণ কৰিব পাৰিব। শ্বপিং মলসমূহতো সামাজিক দূৰত্ব সুনিশ্চিত কৰিব লাগিব।
৩০ জুন পৰ্যন্ত কি কি বন্ধ থাকিব ?
অহা ৩০ জুন পৰ্যন্ত অৰ্থাৎ পৰৱৰ্তী নিৰ্দেশনা নহা পৰ্যন্ত চিনেমা হ’ল, জীম, ছুইমিং পুল, বিনোদন পাৰ্ক, বাৰ, প্ৰেক্ষাগৃহ আৰু থিয়েটাৰসমূহো বন্ধ থকাৰ নিৰ্দেশ প্ৰদান কৰা হৈছে।
বহু লোকৰ সমাৱেশ হোৱা সকলো অনুষ্ঠানত নিষেধাজ্ঞা জাৰি কৰা হৈছে।
বৰ্তমান বিদ্যালয়, মহাবিদ্যালয় আৰু বিশ্ববিদ্যালয় বন্ধ থাকিব। এই সমূহ খোলাৰ ক্ষেত্ৰত সন্দৰ্ভত কেন্দ্ৰীয় চৰকাৰে সিদ্ধান্ত গ্ৰহণ কৰিব।
আনহাতে আজিৰে পৰা ৩০ জুনলৈ সান্ধ্য আইনৰ সময়ৰ সালসলনি কৰা হৈছে বুলি নিৰ্দেশনাত উল্লেখ আছে।
সন্ধ্যা ৭ বজাৰ সলনি নিশা ৯ বজাৰ পৰা পুৱা ৫ বজালৈ বলৱৎ থাকিব এই সান্ধ্য আইন।
ইয়াৰোপৰি ৬৫ বছৰৰ উৰ্ধ্বৰ আৰু ১০ বছৰৰ তলৰ শিশুক ঘৰতে থকাৰ আহ্বান জনাইছে নিৰ্দেশনাখনত।
কেৱল জৰুৰী অৱস্থাতহে ঘৰৰ পৰা বাহিৰ ওলোৱাৰ আহ্বান কৰা হৈছে।
ইয়াৰোপৰি, দুচকীয়া বাহনত কেৱল এজন লোকেহে যাত্ৰা কৰিব পাৰিব।
অৱশ্যে মহিলা আৰু ১২ বছৰৰ তলৰ শিশুৰ ক্ষেত্ৰত ৰেহাই ইতিমধ্যে প্ৰদান কৰা হৈছে।
