ৰাজ্যৰ সৰ্বত্ৰে নাগৰিকত্ব (সংশোধনী) আইনৰ বিৰুদ্ধে তীব্ৰ প্ৰতিবাদ তথা বিভিন্ন কাৰ্য্যসূচী অনুষ্ঠিত হৈ থকাৰ মাজতে শুকুৰবাৰৰ পৰা গুৱাহাটীত অনুষ্ঠিত হোৱা তৃতীয় সংখ্যক খেলো ইণ্ডিয়া য়ুথ গেইমছত আয়োজক অসমে প্ৰথমটো পদক লাভ কৰিবলৈ সক্ষম হৈছে।
অসমৰ হৈ প্ৰতিযোগিতাখনত জিমনাষ্টিক ইভেণ্টত ব্ৰঞ্জৰ পদক দখল কৰে উপাশা তালুকদাৰে।
১০ জানুৱাৰিৰ পৰা ২২ জানুৱাৰিলৈ অনুষ্ঠিত হ’বলগীয়া বৃহৎ ক্ৰীড়া প্ৰতিযোগিতাখন কেন্দ্ৰীয় ক্ৰীড়া মন্ত্ৰী কিৰেণ ৰিজিজুৱে উদ্বোধন কৰে।
ৰিজিজুৰ উপৰিও মুখ্য মন্ত্ৰী সোণোৱালকে ধৰি অসম চৰকাৰৰ ভালেসংখ্যক মন্ত্ৰী বিধায়কে উদ্বোধনী অনুষ্ঠানত অংশ গ্ৰহণ কৰে।
আনহাতে, প্ৰতিযোগিতাখনৰ শিখা প্ৰজ্বলন কাৰ্য্যসূচীত অংশগ্ৰহণ কৰে উত্তৰ-পূবৰ তাৰকা খেলুৱৈৰ লগতে অসমৰ হিমা দাসে।
অনুশীলনত ব্যস্ত থকাৰ বাবে হিমাই প্ৰতিযোগিতাখনত অংশগ্ৰহণৰ পৰা বিৰত আছে।
