ৰাজ্যত ৰঙালীৰ উচাহক যেন ক’ৰ’নাতংকই ভালে খিনি ম্লান কৰি পেলাইছে।
ৰাজ্যত বিগত ২৪ ঘণ্টাত ক’ৰ’নাত নতুনকৈ আক্ৰান্ত হৈছে ৩৮৫ গৰাকী লোক। এ সময়ছোৱাত কোভিডত আক্ৰান্ত হগৈ ৰাজ্যত মৃত্যুক সাৱটি লৈছে তিনি জনকৈ লোকে।
এতিয়ালৈকে ৰাজ্যত ক’ৰ’নাত আক্ৰান্ত হৈ মৃত্যু ঘটা মুঠ ৰোগীৰ সংখ্যা হৈছে ১১২২ গৰাকী।
বিগত ২৪ ঘণ্টাত মৃত্যু ঘটা ৰোগী তিনি গৰাকীৰ ভিতৰত এগৰাকী হোজাইৰ, এগৰাকী ডিব্ৰুগড়ৰ আৰু এগৰাকী কামৰূপ মেট্ৰ’ জিলাৰ।
শেহতীয়াকৈ ৰোগ নিৰ্ণয় হোৱা ৩৮৫ গৰাকী ৰোগীৰ মাজৰে ২০১ গৰাকীয়েই কামৰূপ মেট্ৰ’ৰ কাষৰীয়া অঞ্চলৰ লোক।ইপিনে কামৰূপ গ্ৰাম্য জিলাত নতুনকৈ ৩৩ গৰাকী লোকৰ দেহত ক’ৰ’না ধৰা পৰিছে।
আন জিলাসমূহৰ ভিতৰত ডিব্ৰুগড় জিলাত ৩৩ গৰাকী, কাচাৰ জিলাত ২২ লোক নতুনকৈ কৰ’নাত আক্ৰান্ত হৈছে।২৪ ঘণ্টাত ৰাজ্যত সম্পন্ন কৰা হৈছে ৩০,০৬৫ টা ক’ৰ’নাৰ পৰীক্ষা।
ৰাজ্যত ক’ৰ’নাৰ পজিটিভিটিৰ হাৰ হৈছে ১.২৮ শতাংশ।
আনহাতে, সোমবাৰে ৫৮৩ গৰাকী লোক কৰ’নাত আক্ৰান্ত হৈছিল।
অৱশ্যে সোমবাৰৰ দিনটোত কৰ’নাত আক্ৰান্ত হৈ কোনো লোকৰ মৃত্যু ঘটা নাছিল।
সোমবাৰৰ দিনটোত অকল কামৰূপ মহানগৰ জিলাত কৰ’নাত আক্ৰান্ত হৈছিল ১৯৩ গৰাকী লোক।
সেইদৰে, সৰ্বাধিক আক্ৰান্ত আন জিলাসমূহৰ ভিতৰত কামৰূপ গ্ৰাম্য জিলাত ৪৮ গৰাকী, ডিব্ৰুগড় জিলাত ৪৩ গৰাকী আৰু নগাঁও জিলাত ২৯ গৰাকী লোক কৰ’নাত আক্ৰান্ত হৈছিল।
সেইদৰে, ৰাজ্যখনত দেওবাৰে ৩৫২ গৰাকী লোক কৰ’নাত আক্ৰান্ত হৈছিল।
দেওবাৰে ৰাজ্যখনত কৰ’নাত এগৰাকী লোকৰ মৃত্যু হৈছিল। কৰ’নাত আক্ৰান্ত হৈ মৃত্যু হোৱা লোকগৰাকী লখিমপুৰৰ আছিল।
দেওবাৰৰ দিনটোত অকল কামৰূপ মহানগৰ জিলাত কৰ’নাত আক্ৰান্ত হৈছিল ১৮৬ গৰাকী লোক। সেইদৰে, আন জিলাসমূহৰ ভিতৰত ডিব্ৰুগড় জিলাত ২৩ গৰাকী, নগাঁও জিলাত ১৮ গৰাকী আৰু তিনিচুকীয়াত ১৭গৰাকী লোক কৰ’নাত আক্ৰান্ত হৈছিল।