ইৰাণৰ উত্তৰ তেহৰানৰ এখন মেডিকেল ক্লিনিকত আজি পুৱা সংঘটিত হয় এক ভয়ংকৰ বিস্ফোৰণ।
বিস্ফোৰণটো ইমানেই শক্তিশালী আছিল যে বহু দূৰৈৰ পৰাই ইয়াৰ শব্দ শুনিবলৈ পোৱা যায়।
বিস্ফোৰণত নিহত হৈছে ১৯গৰাকীকৈ লোক। বিস্ফোৰণত নিহতসকলৰ ভিতৰত ১৫গৰাকী মহিলা আৰু ৪গৰাকী পুৰুষ আছে বুলি জানিব পৰা গৈছে।
প্ৰাথমিক তদন্তৰ পৰা জানিব পৰা মতে ক্লিনিকখনৰ ভিতৰত গেছ লিক হোৱাৰ ফলতে এই বিস্ফোৰণ ঘটে।
ক্লিনিকখনৰ ভিতৰত ৰোগীৰ চিকিৎসাত ব্যৱহাৰ কৰা গেছ ৰখা হৈছিল বুলি স্থানীয় সূত্ৰই প্ৰকাশ কৰিছে।
ইৰাণৰ চৰকাৰে ঘটনাটো সন্দৰ্ভত এক তদন্ত ঘোষণা কৰিছে।
নিহতসকলৰ অধিকাংশই ৰোগী আৰু ৰোগীৰ আত্মীয় বুলি জানিব পৰা গৈছে।
ঘটনাটোৱে সমগ্ৰ ইৰাণতে শোকৰ ছাঁ পেলাইছে।
