নিজৰ অনুকুলে! মোদীয়ে চালে একতা কাপুৰৰ ‘দ্য সবৰমতী ৰিপোৰ্ট’

সোমবাৰে নৰেন্দ্ৰ মোদীয়ে সতীৰ্থ সাংসদসকলৰ সৈতে উপভোগ কৰে শেহতীয়াকৈ মুক্তিপ্ৰাপ্ত বলিউড ছবি ‘দ্য সবৰমতী ৰিপোৰ্ট’। ‘দ্য সবৰমতী ৰিপোৰ্ট’ ছবিখন উপভোগ কৰাৰ পাছত তেওঁ নিজৰ মতামত ব্যক্ত কৰে। প্ৰধানমন্ত্ৰী মোদীয়ে এক্সত সতীৰ্থ সাংসদসকলৰ সৈতে ছবিখন উপভোগৰ কেইখনমান ফটো শ্বেয়াৰ কৰি নিজৰ মতামত শ্বেয়াৰ কৰে। কাকতালীয়ভাৱে অভিনেতা বিক্ৰান্ত মেছিয়ে অভিনয়জগতৰ পৰা অৱসৰ লোৱাৰ কথা ঘোষণা কৰাৰ দিনাই প্ৰধানমন্ত্ৰী মোদীৰ বাবে এই বিশেষ প্ৰদৰ্শনী অনুষ্ঠিত কৰা হয়।

‘দ্য সবৰমতী ৰিপোৰ্ট’ৰ এই দৰ্শনীত এনডিএৰ সতীৰ্থ সাংসদসকলো প্ৰধানমন্ত্ৰী মোদীৰ সৈতে উপস্থিত থাকে। উল্লেখ্য যে, চিনেমাখনৰ কাহিনী ২০০২ চনৰ গোধৰা কাণ্ডৰ সৈতে জড়িত।

সোমবাৰে সংসদ কমপ্লেক্স পুথিভঁৰালৰ বাল্যোগী প্ৰেক্ষাগৃহত অনুষ্ঠিত হয় এই প্ৰদৰ্শনী।

এই প্ৰদৰ্শনৰ সময়ত চিনেমাখনৰ কলা-কুশলী বিক্ৰান্ত মেছি, ৰিদ্ধি ডোগ্ৰা, পৰিচালক ধীৰাজ সাৰ্না, প্ৰযোজক একতা কাপুৰ, তেঁওৰ পিতৃ তথা প্ৰবীণ অভিনেতা জিতেন্দ্ৰকে ধৰি ছবিখনৰ অভিনেতা-অভিনেত্ৰী উপস্থিত আছিল।