জনজাতিকৰণৰ দাবীত আজি শিৱসাগৰত আটাছুৱে এক বৃহৎ বাইক ৰেলী বাহিৰ কৰে।
সদৌ টাই আহোম ছাত্ৰ সন্থা শিৱসাগৰ জিলা সমিতিৰ উদ্যোগত জনজাতিকৰণৰ দাবীত ষ্টেশ্যন চাৰিআলিৰ টাই সাংস্কৃতিক বিকাশ কেন্দ্ৰৰ পৰা বাহিৰ কৰা এই বাইক ৰেলীয়ে সমগ্ৰ শিৱসাগৰ নগৰ পৰিভ্ৰমণ কৰে।
নো এছটি নো ৰেষ্ট, আটাছু জিন্দাবাদ, বিজেপি গো বেক, বিজেপি মুৰ্দাবাদ আদি শ্লগানেৰে শিৱসাগৰৰ ৰাজপথ কপাই তোলে বাইক ৰেলীটোত অংশগ্ৰহণ কৰা প্ৰতিবাদকাৰী সকলে।
২০২১ ৰ নিৰ্বাচনৰ পূৰ্বে টাই আহোম জনগোষ্ঠীক জনজাতিকৰণ প্ৰদানৰ দাবী জনায় আটাছুৱে।
‘অসম চৰকাৰৰ প্ৰতাৰণা আৰু প্ৰৱঞ্চনাৰ বিৰুদ্ধে এই প্ৰতিবাদ সাব্যস্ত কৰা হৈছে। টাই আহোম জাতিটোৰ উত্তৰণৰ বাবে আজিৰ এই প্ৰতিবাদ। যিহেতু টাই আহোম জনগোষ্ঠীয়ে দীৰ্ঘদিন ধৰি জনজাতিকৰণৰ বাবে দাবী জনাই আহিছো। কিন্তু কেন্দ্ৰীয় চৰকাৰ তথা ৰাজ্য চৰকাৰে আমাক জনজাতিকৰণৰ নামত প্ৰতাৰণা কৰি আহিছে,’ আটাছু নেতা বসন্ত গগৈয়ে কয়।
২১ ৰ নিৰ্বাচনৰ পূৰ্বে টাই আহোম জনগোষ্ঠীক জনজাতিকৰণ প্ৰদান নকৰে তেন্তে এই প্ৰতিবাদে এক ভয়ংকৰ ৰূপ ধাৰণ কৰিব বুলিও লগতে মন্তব্য কৰে বসন্ত গগৈয়ে।