সদৌ অসম চাহ জনজাতি ছাত্ৰ সন্থাৰ (ATTSA) বেনাৰত ডিব্ৰুগড়ৰ বিভিন্ন চাহ বাগিচাৰ পৰা অহা শ শ চাহ জনগোষ্ঠীয় লোকে আজি চাহ মজদুৰৰ দৈনিক মজুৰি বৰ্তমানৰ ১৬৭ টকাৰ পৰা ৩৫১ টকালৈ বৃদ্ধি কৰাৰ দাবী তুলি ধৰ্ণা দিয়ে।
চাহ বাগানৰ কৰ্মীসকলে মানকটা চাহ বাগিচা, লেপেটকটা চাহ বাগিচা, বলাই চাহ বাগিচা, দেৱানবাৰী চাহ বাগিচাত মুখ্য মন্ত্ৰী সোণোৱাল আৰু শ্ৰম আৰু চাহ শ্ৰমিক কল্যাণ মন্ত্ৰী পল্লব লোচন দাসৰ জুমঠি দাহন কৰি প্ৰতিবাদ সাব্যস্ত কৰে।
প্ৰতিবাদকাৰীসকলে ২০১৬ চনৰলোকসভা নিৰ্বাচনৰ পূৰ্বে চাহ শ্ৰমিকৰ মজুৰি ৩৫০ টকালৈকে বৃদ্ধি কৰিব বুলি প্ৰদান কৰা প্ৰতিশ্ৰুতি ৰক্ষা কৰাত ব্যৰ্থ হোৱা বিজেপি নেতৃত্বাধীন চৰকাৰৰ বিপক্ষে শ্লোগান দিয়ে।
মাত্ৰ সিদিনালৈকে ব্ৰহ্মপুত্ৰ উপত্যকাৰ চাহ বাগানসমূহৰ মজদুৰসকলক দৈনিক ১৩৭ টকা মজুৰি প্ৰদান কৰা হৈছিল। চলিত বছৰৰ জুলাইৰ ৮ তাৰিখে ৰাজ্য চৰকাৰে এই মজুৰি ৩০ টকা বৃদ্ধি কৰি ১৬৭ টকা কৰে। একেদৰে বৰাক উপত্যকাৰ চাহ মজদুৰ সকলৰ মজুৰি ১১৫ টকাৰ পৰা ১৪৫ টকা কৰা হয়।
যদিওবা অতিৰিক্ত মুখ্য সচিব কুমাৰ সঞ্জয় কৃষ্ণৰ নেতৃত্বৰ এজনীয়া কমিটীখনে এতিয়াও ইয়াৰ পৰামৰ্শাৱলী দিয়া নাই চৰকাৰে এই বৃদ্ধিক অন্তৰ্ৱৰ্তীকালীন পদক্ষেপ বুলি অভিহিত কৰিছে, তথাপি শাসনলৈ অহাৰ পূৰ্বে বিজেপিয়ে ৩৫০ টকালৈ মজুৰি বৃদ্ধি কৰিব বুলি দিয়া প্ৰতিশ্ৰুতি চৰকাৰে পালন নকৰাত ৰাজ্যজুৰি এটা সুতীব্ৰ অসন্তোষ বিয়পি গৈছে।
