সন্ত্ৰাসবাদীৰ ধনেৰে আজমল ফাউণ্ডেশ্যন চলে বুলি অভিযোগ উত্থাপন হোৱাৰ পিছতে এ আই য়ু ডি এফ প্ৰধান মৌলানা বদৰুদ্দিন আজমলৰ সমৰ্থনত উঠি পৰি লাগিছে দলটোৰ বিধায়ক আমিনুল ইছলাম।
ধিং সমষ্টিৰ বিধায়ক আমিনুলে আজমলৰ বিৰুদ্ধে উত্থাপিত সকলো অভিযোগ খণ্ডন কৰি আজমল এগৰাকী সঁচা অসমীয়া বুলি মন্তব্য কৰে।
‘বদৰুদ্দিন আজমল এগৰাকী সঁচা অসমীয়া। তেওঁ অসমীয়া সমাজৰ বাবে শিক্ষা, স্বাস্থ্য খণ্ডত বহু কাম কৰিছে’, এই মন্তব্য এ আই য়ু ডি এফৰ বিধায়ক আমিনুল ইছলামৰ।
বিভিন্ন সময়ত বিতৰ্কৰ মাজত সোমাই থকা বিধায়ক আমিনুলে লগতে কয়, ‘আজমল ফাউণ্ডেশ্যনে সন্ত্ৰাসবাদী সংগঠনৰ পৰা কেতিয়াও কোনো ধৰণৰ পুঁজি লাভ কৰা নাই। এয়া সম্পূৰ্ণ অপপ্ৰচাৰ’।
ইফালে, ২০২১ বিধানসভা নিৰ্বাচনত কংগ্ৰেছ-এ আই য়ু ডি এফৰ মিত্ৰতাই বিজয়ী হৈ চৰকাৰ গঠন কৰিব বুলিও দাবী কৰে বিধায়ক আমিনুলে।
তেওঁ লগতে কয়, ‘২০২১ত মহাজোঁটবন্ধন হ’ব। আমি চৰকাৰ গঠন কৰিম’।
