Cattle Smuggling গো- সুৰক্ষা আইন ভংগ কৰি ৰাজ্যত অব্যাহত আছে গৰুৰ অবৈধ সৰবৰাহ। নিশা হ’লেই গৰুৰ অবৈধ সৰবৰাহত নামি পৰে গৰুৰ চোৰাং ব্যৱসায়ী।কলিয়াবৰৰ বাগৰিত আৰক্ষীয়ে চাৰিখন গৰুভৰ্তি বাহন জব্দ কৰাৰ লগতে জব্দ কৰে ৩৬ টাকৈ গৰু।
এক গোপন খবৰৰ ভিত্তিত জখলাবন্ধা আৰক্ষী থানাৰ অন্তৰ্গত বাগৰি আৰক্ষী চকীৰ ভাৰপ্ৰাপ্ত বিষয়া বিপ্লৱ কোঁৱৰৰ নেতৃত্বত এটা আৰক্ষীৰ দলে দেওবাৰে অভিযান চলাই জব্দ কৰিবলৈ সক্ষম হয় উজনিৰ পৰা নগাঁও দিশে সৰবৰাহ কৰা চাৰিখনকৈ গৰুভৰ্তি বাহন।
জব্দকৃত চাৰি বাহনৰ পৰা আৰক্ষীয়ে উদ্ধাৰ কৰে ৩৬ টাকৈ গৰু।
ইয়াৰোপৰি আৰক্ষীয়ে আটক কৰে চাৰি বাহনৰ চালক-হেণ্ডিমেনসহ সাতজনকৈ লোকক। বৰ্তমান আৰক্ষীয়ে লোক কেইজনক অধিক তথ্যৰ বাবে সোধা-পোছা অব্যাহত ৰাখিছে।
Also Read: Ganja seized শিৱসাগৰ সদৰ থানাৰ সমীপতেই বৃহৎ পৰিমাণৰ গাঞ্জা, বিলাতী সুৰাৰ কাৰ্টন জব্দ; আটক দুই মহিলা
আনহাতে, যি সময়ত চৰকাৰে গো- সুৰক্ষা আইন প্ৰণয়ন কৰি গৰুৰ চোৰাং বেহা বন্ধ কৰিবলৈ উঠি পৰি লাগিছে সেই সময়তে কিন্তু প্ৰশাসনৰ চকুত ধূলি দি এচাম দুষ্ট চক্ৰই গৰুৰ চোৰাং বেহা অব্যাহত ৰাখিছে।
এতিয়া প্ৰশ্ন হয় চৰকাৰ তথা প্ৰশাসনে এই চোৰাং চক্ৰটোক নাকী লগাব পাৰিবনে ? গো-সুৰক্ষা আইন ৰক্ষা হবনে?
