Bangladesh delegation in Assam হাজোৰ গৰুড়াচল পাহাৰত অৱস্থিত ঐতিহাসিক পোৱামক্কা দৰগাহ শ্বৰীফত উপস্থিত হৈছে বাংলাদেশৰ এদল মুক্তিযুঁজাৰুৰ সৈতে ২৫ জনীয়া এটা সজাঁতি দল।
১৯৭১চনৰ ভাৰত-পাকিস্তান যুদ্ধৰ ৫০ বছৰ উপলক্ষে ভাৰত চৰকাৰে উদযাপন কৰা স্বৰ্ণিম বিজয় বৰ্ষৰ অংশ হিচাপে ভাৰত চৰকাৰৰ আমন্ত্ৰণ মৰ্মে অসমত উপস্থিত হয়।
সজাঁতি দলটোৱে পুৱাই ভূপেন হাজৰিকাৰ সমাধিক্ষেত্ৰত উপস্থিত হৈ শিল্পীগৰাকীলৈ শ্ৰদ্ধা নিবেদন কৰি কিছুসময় কটায়। তাৰ পিছতে দলটোৱে হাজোৰ পোৱামক্কা দৰ্শন কৰি অভিভূত হৈ পৰে।
বাংলাদেশৰ প্ৰাক্তন বৈদেশিক সচিব বীৰ বিক্ৰম ছমচেৰ মবিন চৌধুৰীৰ নেতৃত্বত অসমত উপস্থিত হোৱা দলটোত ১৫গৰাকী মুক্তি যুঁজাৰু, ৬গৰাকী সাংবাদিক আৰু ৪ জন যুৱ প্ৰতিনিধিয়ে ভাৰত ভ্ৰমণৰ বাবে আহিছে।
ভাৰত-বাংলাদেশৰ সম্পৰ্ক ৰক্তৰ সম্পৰ্ক বুলি মন্তব্য কৰাৰ লগতে ভাৰতৰত্ন ড০ ভূপেন হাজৰিকা বাংলাদেশতো যথেষ্ট জনপ্ৰিয় আছিল বুলি মন্তব্য কৰি ভূপেন দাৰ এটি জনপ্ৰিয় গীত গুণগুণায় প্ৰাক্তন বৈদেশিক সচিবগৰাকীয়ে।
