ৰাষ্ট্ৰদ্ৰোহত অভিযুক্ত জৱাহৰলাল নেহৰু বিশ্ববিদ্যালয়ৰ প্ৰাক্তন ছাত্ৰ ছাৰ্জিল ইমামৰ লগত এ আই য়ু ডি এফৰ মুৰব্বী বদৰুদ্দিন আজমলৰ সু-সম্পৰ্ক থকাৰ অভিযোগ তুলি মঙলবাৰে সন্ধিয়া বৰপেটা চহৰত ইমাম আৰু আজমলৰ প্ৰতিকৃতি দাহ কৰা হয়।
হিন্দু জাগৰণ মঞ্চৰ উদ্যোগত বৰপেটা চহৰত দুয়ো গৰাকী নেতাৰ প্ৰতিকৃতি দাহ কৰে।
হিন্দু জাগৰণ মঞ্চৰ সদস্য সকলে ‘বন্দে মা তৰম’, ‘ভাৰত মাতা কি জয়’, ‘জয় শ্ৰী ৰাম’, ‘ছাৰ্জিল ইমাম’ক ফাঁচি দিয়ক আদি শ্লোগানেৰে চহৰৰ পৰিৱেশ উত্তাল কৰি তোলে।
উল্লেখ্য যে দিল্লীৰ চাহিনবাগত ‘কা’ আৰু ‘এন আৰ চি’ৰ বিৰুদ্ধে চলি থকা প্ৰতিবাদত অংশ লৈ চাৰ্জিলে অসমক দেশৰ পৰা বিচ্চিন্ন কৰি দিব লাগে বুলি উচটনিমূলক মন্তব্য কৰিছিল।
এই মন্তব্যৰ পিছতেই ছাত্ৰ নেতাজনৰ বিৰুদ্ধে দেশৰ বিভিন্ন প্ৰান্তৰ লগতে অসমতো ৰুজু কৰা হৈছিল গোচৰ।
উক্ত মন্তব্যৰ বাবে দিল্লী আৰক্ষীয়ে যোৱা ২৫ জানুৱাৰিত বিহাৰৰ পৰা গ্ৰেপ্তাৰ কৰা চাৰ্জিলক যোৱা ২০ ফেব্ৰুৱাৰিত অসম আৰক্ষীৰ এটা দলে দিল্লীৰ পৰা গুৱাহাটীলৈ লৈ আনে।
বৰ্তমান অসম আৰক্ষীৰ জিম্মাত থকা চাৰ্জিলে জেৰাৰ সময়ছোৱাত তেওঁৰ সৈতে বদৰুদ্দিন আজমলৰ লগতে ৰাজ্যৰ আন বহু লোকৰ সৈতে সু সম্পৰ্ক থকা বুলি সদৰী কৰিছে।
