কৰ’না ভাইৰাছৰ বাবেই ইণ্ডিয়ান প্ৰিমিয়াৰ লীগ (IPL) স্থগিত কৰা হৈছে। বিচিচিআইয়ে আই পি এলৰ অংশগ্ৰহণকাৰী আঠোটা দলকে এই সিদ্ধান্তৰ কথা জনাই দিছে।
বিচিচিআইৰ সভাপতি সৌৰভ গাংগুলী, সচিব জয় শ্বাহ, আই পি এলৰ অধ্যক্ষ ব্ৰিজেশ পেটেলকে ধৰি বোৰ্ডৰ সদস্যসকলৰ বৃহস্পতিবাৰে হোৱা বৈঠকত এই সিদ্ধান্ত গ্ৰহণ কৰা হয়।
বোৰ্ডৰ সচিব জয় শ্বাহে স্বাক্ষৰ কৰা এক বিবৃতিৰ জৰিয়তে ভাৰতীয় ক্ৰিকেট নিয়ন্ত্ৰণ বোৰ্ডে আই পি এল বাতিলৰ সিদ্ধান্তৰ বিষয়ে জানিবলৈ দিয়ে।
NEWS : IPL 2020 suspended till further notice
More details here – https://t.co/ZmC2xndkUN pic.twitter.com/zWVIeI61hK
— IndianPremierLeague (@IPL) April 16, 2020
বুধবাৰে আই পি এল কমিটিৰ ফালৰ পৰা কোৱা হৈছিল যে কৰ’না ভাইৰাছক লৈ পৰিস্থিতিৰ উন্নতি নহ’লে আই পি এল অনুষ্ঠিত কৰাৰ বিচিচিআইৰ কোনো বিকল্প নাথাকিব।
কিন্তু আজি আনুষ্ঠানিকভাৱে স্পষ্ট কৰি দিয়া হ’ল ,’’পৰৱৰ্তী জাননী নিদিয়ালৈ আই পি এল ২০২০ অনুষ্ঠিত নহয়।‘’ বৃহস্পতিবাৰে বোৰ্ডৰ ফালৰ পৰা স্পষ্টি কৰি দিয়া হ’ল যে আই পি এল অনিৰ্দিষ্টকালৰ বাবে স্থগিত কৰা হ’ল।
বিচিচিআইৰ আজিৰ ঘোষণাৰ পাছত চলিত বৰ্ষত আইপিএল অনুষ্ঠিত হোৱা সম্ভাৱনা প্ৰায় স্তিমিত হৈ পৰিল।
স্বাভাৱিকতে আই পি এল বাতিলৰ ফলত ভাৰতীয় ক্ৰিকেট নিয়ন্ত্ৰণ বোৰ্ডৰ আৰ্থিক ক্ষতি হোৱাৰ লগতে ইয়াৰ ফ্ৰেঞ্চাইজিসকলো ক্ষতিগ্ৰস্ত হ’ব।
