প্ৰধানমন্ত্ৰী নৰেন্দ্ৰ মোডীৰ শিৱসাগৰ ভ্ৰমণৰ তীব্ৰ বিৰোধিতা কৰে বীৰ লাচিত সেনাই।
বীৰ লাচিত সেনাৰ শিৱসাগৰ জিলা সমিতিৰ কাৰ্যালয়ত অনুষ্ঠিত এক সংবাদ মেলৰ মাজতে ক’লা পতাকা প্ৰদৰ্শন কৰি মোডীৰ শিৱসাগৰ ভ্ৰমণৰ বিৰোধিতা কৰে সংগঠনটোৱে।
ইয়াৰ পূৰ্বে যিমানবাৰ প্ৰধানমন্ত্ৰী অসমলৈ আহিছে সিমানবাৰ অসমীয়া ৰাইজক প্ৰতাৰণা কৰিছে বুলি কয় বীৰ লাচিত সেনাৰ শিৱসাগৰ জিলাৰ সভাপতি চিতু বৰুৱাই।
তেওঁ কয়, ‘’ইয়াৰ পূৰ্বে প্ৰধানমন্ত্ৰী অসম ভ্ৰমণলৈ আহি ১৬ মে’ত সকলো বিদেশীয়ে টালি টোপোলা বান্ধি অসম এৰি যাব লাগিব বুলি কৈছিল যদিও পৰৱৰ্তী সময়ত কা’ প্ৰৱৰ্তন কৰি অসমত হিন্দু বাংলাদেশী সংস্থাপন দি অসমক প্ৰতাৰণা কৰিলে। ইয়াৰ পিছতেই অসমৰ উদ্যোগসমুহ অসমৰ সম্পদসমুহ ব্যক্তিগতকৰণ কৰিলে।‘’
মাটিৰ পট্টা দিয়াৰ নামত বিজেপিয়ে প্ৰধানমন্ত্ৰীক আনি এডভাৰ্টাইজিং কৰা বুলি অভিযোগ কৰে বীৰ লাচিত সেনাই।
জিলা সভাপতিগৰাকীয়ে কয় যে অসমত জন্মলাভ কৰা প্ৰতিজন খিলঞ্জীয়াই ভূমি পট্টা পোৱাটো তেওঁলোকৰ পাপ্য অধিকাৰ। তাৰ বাবে অসম চৰকাৰৰ এটা বিভাগ আছে আৰু সেই বিভাগে ভূমি পট্টা প্ৰদান কৰিব পাৰে। কিন্তু ভূমি পট্টা প্ৰদানৰ নামত সভা অনুষ্ঠিত কৰি লাখ লাখ টকা খৰচ কৰি প্ৰধানমন্ত্ৰীক আনি বিজেপিয়ে এডভাৰ্টাইজিং কৰিছে।
সংগঠনটোৰ দাবী নৰেন্দ্ৰ মোডীৰ এ ফৰ আচামৰ যি শ্লগান, সেয়া এতিয়া এ ফৰ অচামৰ পিছত আম্বানি বনোৱাৰ এক গভীৰ ষাড়যন্ত্ৰ লুকাই আছে।
তেওঁ লগতে কয়, শিৱসাগৰৰ জেৰেঙা পথাৰ এখন পবিত্ৰ ঠাই। জেৰেঙা পথাৰে হিন্দুত্ববাদী ৰাজনীতি গ্ৰহণ নকৰে। জেৰেঙা পথাৰত সতী জয়মতীৰ ইতিহাস বিজড়িত হৈ আছে।
এই পবিত্ৰ জেৰেঙা পথাৰলৈ আহি নৰেন্দ্ৰ মোডীয়ে মিছা কথা কৈ অসমীয়া মানুহৰ আৱেগৰ লগত যাতে ধেমালি নকৰে তাৰ বাবে সকীয়াই দিয়ে বীৰ লাচিত সেনাই।