কেন্দ্ৰীয় চৰকাৰে প্ৰণয়ন কৰা তিনিখন কৃষি আইন বাতিলৰ দাবীত কাইলৈ অৰ্থাৎ ৮ ডিচেম্বৰত দেশৰ কৃষক সংগঠনসমূহে দেশ জুৰি ভাৰত বন্ধৰ আহ্বান জনাইছে।
উল্লেখ্য যে কৃষি আইন বাতিলৰ দাবীত দিল্লীৰ লগতে ইয়াৰ সীমান্তৰ সংযোগী এলেকাবোৰত বিগত ১১ দিনে নিৰন্তৰ শান্তিপূৰ্ণ প্ৰতিবাদ সাৱ্স্ত্য কৰি আহিছে দেশৰ কেবাখনো ৰাজ্যৰ হাজাৰ হাজাৰ কৃষকে।
ইতমিধ্য কেন্দ্ৰীয় চৰকাৰৰ সৈতে প্ৰতিবাদী কৃষক সংগঠনসমূহে পাঁচলানিকৈ আলোচনাত অংশগ্ৰহণ কৰিছিল যদিও আটাইকেইলানি আলোচনাই ব্যৰ্থ হৈছে।
আলোচনাসমূহ চলি থকাৰ মাজতে প্ৰতিবাদী কৃষকসকলে ভাৰত বন্ধৰ আহ্বান জনাইছিল। পঞ্চম লানি আলোচনা সফল হ’লে কৃষক সংগঠনসমূহে ভাৰত বন্ধ উঠাই ল’ব বুলি ঘোষণা কৰিছিল যদিও সেই লানি আলোচনাও বিফল হোৱাত ভাৰত বন্ধ প্ৰত্যাহাৰ নকৰিলে দেশৰ প্ৰতিবাদী কৃষক সংগঠনসমূহে।
ইফালে ভাৰতীয় কৃষাণ ইউনিয়নৰ মুখপাত্ৰ ৰাকেশ টিকাইটে সংবাদ প্ৰতিষ্ঠান এনআইএৰ আগত কয় যে ৮ ডিচেম্বৰৰ ভাৰত বন্ধ পুৱা ১১ বজাৰ পৰা বিয়লি ৩ বজালৈ বলৱৎ হ’ব।
মুখপাত্ৰ গৰাকীৰ মতে অফিত-কাছাৰীসমূহ যাতে সুচাৰুৰূপে চলিব পাৰে তাৰ বাবেই বন্ধৰ সূচী এইদৰে তৈয়াৰ কৰা হৈছে।
“আমি বিচৰা নাই যে আমাৰ বন্ধৰ বাবে সাধাৰণ লোকসকল সমস্যাত পৰক। সেয়ে আমি পুৱা ১১ বজাৰ পৰা বিয়লি ৩ বজালৈ বন্ধৰ আহ্বান জনাইছো। যাতে কাৰ্যালয়সমূহতো প্ৰভাৱ নপৰে।” ৰাকেশ টিকেইটে কয়।
আনহাতে, পৰিবহণ সেৱা আৰু বেংকিং ছেক্টৰসমূহত বন্ধৰ প্ৰভাৱ পৰিব বুলি ধৰাণা কৰা হৈছে। ইফালে স্বাস্থ্য সেৱা, বিবাহ আদিত জড়িত পৰিবহণ সেৱাসমূহ স্বাভাৱিকভাৱে চলি থাকিব বুলি জনাইছে তেওঁ।
“এয়া হৈছ প্ৰতীকাত্মক প্ৰতিবাদ। ইয়াৰ দ্বাৰা আমি যে চৰকাৰৰ নীতিসমূহক সমৰ্থন নকৰো সেয়াহে জনাব খোজা হৈছে।” টিকাইটে কয়।