অসমীয়া ভাষাই ধ্ৰুপদী ভাষা হিচাপে ঐতিহাসিক স্বীকৃতি লাভৰ প্ৰতি সন্মান জনাই অসম চৰকাৰে ঘোষণা কৰিছে যে ২০২৪ চনৰ ৩ নৱেম্বৰৰ পৰা ৯ নৱেম্বৰলৈ ৰাজ্যত ‘ভাষা গৌৰৱ সপ্তাহ’ উদ্যাপন কৰা হ’ব।
এই কথা দেওবাৰে ছ’চিয়েল মিডিয়া প্লেটফৰ্ম ‘এক্স’ত প্ৰকাশ কৰে অসমৰ মুখ্যমন্ত্ৰী হিমন্ত বিশ্ব শৰ্মাই। এই সপ্তাহজোৰা এই অনুষ্ঠানৰ লক্ষ্য হৈছে অসমীয়া মানুহৰ চহকী সাংস্কৃতিক ঐতিহ্য আৰু ভাষিক গৌৰৱক প্ৰচাৰ কৰা।
পোষ্টটোত মুখ্যমন্ত্ৰী শৰ্মাই কয় যে এই সপ্তাহটোৰ ভিতৰতে বিশ্ববিদ্যালয়, বিদ্যালয়, আৰু নাগৰিক সমাজৰ সংগঠনসমূহে অসমীয়া সাহিত্যিক আৰু পণ্ডিতসকলৰ অৱদানক সন্মান জনাই অনুষ্ঠান আয়োজন কৰিব।
তেওঁ লিখিছে, “২০২৪ চনৰ ৩ অক্টোবৰত প্ৰধানমন্ত্ৰী নৰেন্দ্ৰ মোদীৰ অধ্যক্ষতাত কেন্দ্ৰীয় কেবিনেটে অসমীয়াক ধ্ৰুপদী ভাষা হিচাপে আনুষ্ঠানিকভাৱে স্বীকৃতি প্ৰদান কৰে। এই ঐতিহাসিক কৃতিত্ব উদযাপনৰ বাবে অসমে ২০২৪ চনৰ ৩ নৱেম্বৰৰ পৰা ৯ নৱেম্বৰলৈ “ভাষা গৌৰৱ সপ্তাহ” পালন কৰিব।এই সপ্তাহটোৰ ভিতৰতে বিশ্ববিদ্যালয়, বিদ্যালয়, আৰু নাগৰিক সমাজৰ সংগঠনসমূহে অসমীয়া সাহিত্যিক আৰু পণ্ডিতসকলৰ অৱদানক সন্মান জনাই অনুষ্ঠান আয়োজন কৰিব, যিসকলৰ কৰ্মই খ্ৰীষ্টীয় চতুৰ্থ শতিকাৰ পৰা ভাষাটোক গঢ় দিছে। ৰাজ্যখনৰ সাংস্কৃতিক আৰু ভাষা ঐতিহ্যৰ প্ৰতি এই উল্লেখযোগ্য ইংগিতৰ বাবে প্ৰধানমন্ত্ৰী নৰেন্দ্ৰ মোদীলৈও অসমৰ ৰাইজে আন্তৰিক ধন্যবাদ জ্ঞাপন কৰিব।”
