শিৱসাগৰত অনুষ্ঠিত এখন সভাত আজি ৰাইজৰ দলৰ লগত আনুষ্ঠানিক মিত্ৰতা হয় আদিবাসী নেশ্যযনেল পাৰ্টীৰ।
ৰাইজৰ দলৰ মুখপাত্ৰ ভাস্ক’ডি শইকীয়া, লোহিত গগৈ, মহেন্দ্ৰ দিহিঙ্গীয়া আদিকে ধৰি বহু নেতা কৰ্মীৰ লগতে আদবাসী নেশ্যনেল পাৰ্টীৰ সভাপতি বলদেৱ তেলীৰ উপস্থিতিত আজি দুয়োটা দলৰ মাজত মিত্ৰতা স্থাপন হয় আৰু অনাগত নিৰ্বাচনত বিজেপিৰ বিৰুদ্ধে মাৰবান্ধি থিয় দিব বুলি ব্যক্ত কৰে।
অনুষ্ঠানত ভাস্ক’ডি শইকীয়াই কয়, ২১ ৰ নিৰ্বাচনত বিজেপিক প্ৰতিহত কৰিবলৈ সকলো আঞ্চলিক দল একত্ৰিত হৈ যুঁজ দিব লাগিব বুলি মন্তব্য কৰে। তেওঁ লগতে কয়, ‘একত্ৰিত আঞ্চলিক শক্তিৰ ধুমুহাত ২১ৰ নিৰ্বাচনত অসমত ৰাষ্ট্ৰীয়তাবাদী শক্তি ধূলিতসাৎ হৈ যাব।’
শইকীয়াই কংগ্ৰেছ আৰু এআইইউডিএফৰ মিত্ৰতাক অসমীয়া জাতিৰ বাবে অশুভ সংকেট বুলিও মন্তব্য কৰে।
তেওঁ এআইইউডিএফক অসমীয়া জাতিৰ শত্ৰু বুলি মন্তব্য কৰে।
কংগ্ৰেছ আৰু এআইইউডিএফৰ মাজত হোৱা মিত্ৰতাক মহাজোঁট বন্ধন বুলি কৈছে যদিও সেয়া কোনো মহাজোঁট বন্ধন নহয়। অসমৰ সকলো আঞ্চলিকতাবাদী দলৰ মাজত যি মিত্ৰতা হ’ব সেয়াহে মহাযোঁট বন্ধন বুলি মন্তব্য কৰে ভাস্ক’ডি শইকীয়াই।
কংগ্ৰেছে যদি সঁচাকৈ বিচাৰে বিজেপিৰ পতন হোৱাটো তেন্তে একত্ৰিত আঞ্চলিক শক্তিৰ লগত আসনৰ বুজাবুজি কৰিব বুলি আশাবাদী বুলিও শইকীয়াই কয়।
আনহাতে অসম জাতীয় পৰিষদৰ লগত ৰাইজৰ দলৰ মিত্ৰতাৰ বাবে কাৰ্যব্যৱস্থা হাতত লব বুলি জনায় শইকীয়াই।
সমগ্ৰ ভাৰতত হোৱা কৃষক বিদ্ৰোহক আৰম্ভণিৰ পৰাই ৰাইজৰ দলে সমৰ্থন কৰি আহিছে আৰু ভৱিষ্যতেও কৰিব। আৰু ৮ ডিচেম্বৰত ঘোষণা কৰা ভাৰত বন্ধৰ প্ৰতি ৰাইজৰ দলে পূৰ্ণ সমৰ্থন আগবঢ়োৱা বুলি কয় ভাস্ক’ডি শইকীয়াই।